បឹងកេតប្រកាសយកលោក John Mcglynn ធ្វើជាគ្រូបង្គោលថ្មី
- 2017-01-09 05:57:34
- ចំនួនមតិ 0 | ចំនួនចែករំលែក 0
បឹងកេតប្រកាសយកលោក John Mcglynn ធ្វើជាគ្រូបង្គោលថ្មី
ចន្លោះមិនឃើញ
បឹងកេតអង្គរថ្ងៃនេះបានប្រកាសលើទំព័រ Facebook ផ្លូវការរបស់ខ្លួនថាបានព្រមព្រៀងយកលោក John Mcglynn ធ្វើជាគ្រូបង្វឹកថ្មីបណ្ដោះអាសន្នជំនួសលោក ប្រាក់ សុវណ្ណារ៉ា។
ការតែងតាំងនេះធ្វើឡើងតែប៉ុន្មានថ្ងៃប៉ុណ្ណោះ ក្រោយពេលលោកគ្រូ ប្រាក់ សុវណ្ណារ៉ា បានចែកផ្លូវគ្នាដ៏គួរឲ្យភ្ញាក់ផ្អើលជាមួយក្លឹបជើងឯកលីគកម្ពុជាក្រោមមូលហេតុចរចាគ្នាមិនត្រូវ និងដោយសារក្លឹបមិនពេញចិត្តជាមួយនឹងលទ្ធផលនាប្រកួតកន្លងទៅ។
លោក John Mcglynn ធ្លាប់ដឹកនាំបឹងកេតម្ដងហើយកាលពី ឆ្នាំ២០១៤ ដល់២០១៥ ដែលកាលណោះគឺជំនួសតំណែងលោកគ្រូ ប្រាក់ វុទ្ធី។ មុនពេលទៅកាន់បឹងកេតកាលពីឆ្នាំ២០១៤ គ្រូបង្វឹកសញ្ជាតិអូស្ត្រាលីធ្លាប់ធ្វើជាជំនួយការ គ្រូបង្វឹកនៅភ្នំពេញក្រោន៕