រូបសំណាក Messi ត្រូវជនមិនស្គាល់មុខវាយបំផ្លាញបាក់អស់ពាក់កណ្ដាល
- 2017-01-10 03:01:57
- ចំនួនមតិ 0 | ចំនួនចែករំលែក 0
រូបសំណាក Messi ត្រូវជនមិនស្គាល់មុខវាយបំផ្លាញបាក់អស់ពាក់កណ្ដាល
ចន្លោះមិនឃើញ
រូបសំណាក Lionel Messi ត្រូវបានជនមិនស្គាល់មុខវាយបំបាក់អស់ពាក់កណ្ដាលនៅក្នុងទីក្រុង Buenos Aires ប្រទេសអាហ្សង់ទីន។
អភិបាលក្រុង Horacio Rodriguez បានឲ្យគេសាងសង់ រូបសំណាកប្រធានក្រុមអាហ្សង់ទីន ក្នុងឆ្នាំ២០១៦ ក្រោយពេលរូបលោកបញ្ចុះបញ្ចូល Messi ឲ្យត្រឡប់ពីចូលនិវត្តន៍ទៅលេងឲ្យក្រុមជម្រើសជាតិវិញបានសម្រេច។ សេចក្ដីថ្លែងការណ៍របស់អាជ្ញាធរឲ្យដឹងថា រូបសំណាក Messi ត្រូវបំផ្លាញដាច់អស់ពាក់កណ្ដាល ដោយពួកជ្រុលនិយម ហើយអាជ្ញាធរកំពុងរៀបចំជួសជុលឡើងវិញ។
ទីតាំងរបស់រូបសំណាក Messi ស្ថិតនៅតាមផ្លូវដើរអមមាត់ទន្លេ Rio de la Plata ជាមួយរូបសំណាកបុគ្គលឆ្នើមផ្នែកកីឡា ជនជាតិអាហ្សង់ទីនផ្សេងទៀតមានដូចជា កីឡាការិនី ហុកគី Luciana Aymar, កីឡាការិនីវាយកូនបាល់ Gabriela Sabatini, កីឡាករ Guillermo Vilas និង លោក Juan Manuel Fangio អតីតអ្នកប្រណាំងរថយន្ត Formula One ជាដើម៕