LG G6 នឹងប្រើអេក្រង់ QuadHD+ ដំបូងគេក្នុងលោក

2017-01-11 02:20:27
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញក្រុមហ៊ុន LG Display បានប្រកាសចេញនូវអេក្រង់ថ្មីសម្រាប់បំពាក់លើស្មាតហ្វូន ដែលអាចបង្ហាញរូបភាពក្នុងកម្រិត QuadHD+ (1440x2880)។ មិនតែប៉ុណ្ណោះក៏បានបញ្ជាក់ថាទូរសព្ទ LG កំពូលជំនាន់ថ្មីនឹងប្រើអេក្រង់នេះ ដោយទំនងជាសំដៅលើ LG G6។

LG G5

អេក្រង់ដែលទើបបង្ហាញមានទំហំ ៥,៧ អ៊ីញ អាចបង្ហាញរូបភាពក្នុងកម្រិតដង់ស៊ីតេ ៥៦៤ ភីកសែលក្នុងមួយអ៊ីញ ធ្វើឲ្យរូបភាពបង្ហាញចេញមកដិតល្អច្បាស់ដូចធម្មជាតិ ហើយវាបង្ហាញរូបភាពក្នុងមាត្រដ្ឋាន 18:9។ គុណសម្បត្តិនៃអេក្រង់នេះក៏នឹងធ្វើឲ្យការប្រើប្រាស់មុខងារ Dual-Screen Multi-Tasking ដែលមានលើ Android 7.0 ដំណើរការកាន់តែប្រសើរផងដែរ។

ក្រុមហ៊ុនដែលទើបបង្ហាញចេញនូវទូរទស្សន៍ស្ដើងជាងគេក្នុងលោកនេះ ក៏បានលម្អិតដែរថាអេក្រង់ថ្មីនេះគឺស្ទើរតែគ្មានគែមសងខាង ហើយថែមទាំងមានកម្រាស់ស្ដើងទៀតផង។ លើសពីនេះវាប្រើប្រាស់ថាមពលតិចជាងមុន ៣០%។

LG រំពឹងថានឹងប្រកាសស្មាតហ្វូនជំនាន់ចុងក្រោយរបស់ខ្លួន LG G6 នៅចុងខែកុម្ភៈខាងមុខ ក្នុងព្រឹត្តិការណ៍បច្ចេកវិទ្យា Mobile World Congress ប្រចាំឆ្នាំ ២០១៧ ដែលធ្វើឡើងនៅទីក្រុង Barcelona ប្រទេសអេស្ប៉ាញ៕

ប្រភព៖ PhoneArena ប្រែសម្រួល៖ សុខហេង