CR7 រកចំណូលក្រៅពីបាល់ទាត់បានច្រើនជាងគេឆ្នាំ២០១៦ រីឯ Bale ជាប់លេខ៤

2017-01-11 03:14:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Cristiano Ronaldo តារាឆ្នើមក្រុម Real Madrid បន្ទាប់ពីឈ្នះពាន UEFA Champions League, FIFA Club World Cup, Euro 2016 រួមទាំងពានកីឡាករល្អបំផុតលើលោក Ballon d’Or និង FIFA’s Best Men’s Player កាលពីយប់ថ្ងៃច័ន្ទ ពេលនេះបានជាប់ឈ្មោះជាកីឡាករ ដែលរកចំណូលក្រៅពីបាល់ទាត់ បានច្រើនជាងគេបំផុតថែមទៀត ក្នុងចំណោមកីឡាករបាល់ទាត់ទាំងអស់ ខណៈដែលមិត្តរួមក្រុមរបស់គេ Gareth Bale បានជាប់ចំណាត់ថ្នាក់លេខ៤។

Cristiano Ronaldo

តាមការសិក្សាស្រាវជ្រាវពី London School of Marketing បានឲ្យដឹងថា បញ្ជីកីឡាករដែលមានចំណូលច្រើនជាងគេបំផុតឆ្នាំ២០១៦ ទាំង៣០នាក់គ្រប់ប្រភេទកីឡាទាំងអស់ មានកីឡាករបាល់ទាត់តែ ៤នាក់ទេ ហើយក្នុងចំណោម៤នាក់នោះគឺ Ronaldo មានចំណូលច្រើនជាងគេលំដាប់លេខ១។

Messi បានត្រឹមចំណាត់ថ្នាក់លេខ២

ប្រធានក្រុមជម្រើសជាតិព័រទុយហ្គាល់ វ័យ៣១ឆ្នាំ CR7 បានចំណូល ២៦,២លានផោន (ជិត៣២លានដុល្លារ) ឆ្នាំមុន បន្ទាប់ពីចុះកុងត្រាសហការផ្ទាល់ខ្លួន ជាមួយក្រុមហ៊ុន Nike, Tag Heuer និង Herbalife។ រីឯ Lionel Messi ស្ថិតនៅលេខ២ បានចំណូល ២៣លានផោន (ជិត២៨លានដុល្លារ) ក្រោយចុះកុងត្រាជាមួយក្រុមហ៊ុន Adidas, EA, Gatorade, Audemars Piguet, Gillette និង Tata Motors។ ចំណែកឯលេខ៣គឺ Neymar ១៨,៩លានផោន (២៣លានដុល្លារ) និងលេខ៤ Bale បានចំណូល ៩លានផោន (ជិត១១លានដុល្លារ)៕