ស្អែក HTC នឹងប្រកាសស្មាតហ្វូន ៣ ម៉ូដែលកាត់មុខ Galaxy S8 និង LG G6
- 2017-01-11 03:41:18
- ចំនួនមតិ 0 | ចំនួនចែករំលែក 0
ស្អែក HTC នឹងប្រកាសស្មាតហ្វូន ៣ ម៉ូដែលកាត់មុខ Galaxy S8 និង LG G6
ចន្លោះមិនឃើញ
ស្អែកនេះក្រុមហ៊ុន HTC នឹងរៀបចំកម្មវិធីមួយដើម្បីបង្ហាញផលិតផលថ្មីៗរបស់ខ្លួន ហើយគេរំពឹងថាអាចមានស្មាតហ្វូនស៊េរីថ្មីចំនួន ៣ ម៉ូដែលនឹងបង្ហាញវត្តមានឡើង។
ស្មាតហ្វូនទាំង ៣ ម៉ូដែលរួមមាន HTC Alpine ( ឬ HTC U Play), HTC Ocean Note (ឬ HTC U Ultra) និង HTC E66 (ឬ HTC X10) ហើយលក្ខណៈសម្បត្តិស្មាតហ្វូនទាំងនេះបានលេចធ្លាយលើបណ្ដាញអ៊ីនធឺណិតបណ្ដើរៗហើយ។ ខាងក្រោមជាអ្វីដែលគេដឹងអំពីស្មាតហ្វូនជំនាន់ថ្មីទាំង ៣ របស់ក្រុមហ៊ុនតៃវ៉ាន់៖
HTC Alpine
HTC Alpine ជាប្រភេទស្មាតហ្វូនធនមធ្យមដែលមានអេក្រង់ FullHD ទំហំ ៥,២ អ៊ីញ និង ប្រើបន្ទះឈីប Helio P10 ដែលមាន RAM ទំហំ 3 GB និង អង្គផ្ទុកទិន្នន័យជាប់ម៉ាស៊ីនទំហំ 32 GB។ កាមេរ៉ាខាងមុខ និង ក្រោយមានទំហំ 16 MP ដូចគ្នា, ថ្មទំហំ 2500 mAh និង មានទ្រនាប់ស្កេនក្រយៅនៅខាងមុខ។ អ្វីគួរឲ្យចាប់អារម្មណ៍គឺគ្មានរន្ធដោតកាស 3.5 mm ឡើយ។
HTC Ocean Note
ជាប្រភេទទូរសព្ទកំពូលប្រចាំឆ្នាំដោយមានប្រើអេក្រង់ QHD ទំហំ ៦ អ៊ីញ ហើយមានបំពាក់បន្ទះឈីបជំនាន់ចុងក្រោយរបស់ Qualcomm ម៉ូដែល Snapdragon 835។ កន្លងមកគេរំពឹងថា LG ឬ Samsung នឹងប្រើបន្ទះឈីបនេះមុនគេ ប៉ុន្តែប្រហែល HTC ទៅមុនមួយជំហានហើយ។ សម្រាប់ RAM មានទំហំ 4 GB, អង្គផ្ទុកទិន្នន័យ 64 GB, កាមេរ៉ាភ្លោះនៅផ្នែកខាងក្រោយដោយមានទំហំ 24 MP និង 13 MP។ កាមេរ៉ា Selfie ទំហំ 16 MP, ថ្មទំហំ 4000 mAh, ទ្រនាប់ស្កេនក្រយៅដៃនៅខាងក្រោយ និង មិនមានរន្ធដោតកាស 3.5 mm ដូច HTC Alpine ដែរ។
HTC E66
ខុសពីស្មាតហ្វូនទាំងពីរខាងលើដោយ HTC E66 នឹងមានរន្ធដោតកាស 3.5 mm, អេក្រង់ទំហំ ៥,៥ អ៊ីញ និង មានបន្ទះឈីប Helio P10 ដែលមាន RAM 3 GB៕