ពិតទេ ស្រីស្អាត ម៉ៅ គីមធីតា មានស្នេហាជាមួយតារា Original Song ម្នាក់!
- 2017-01-11 07:26:01
- ចំនួនមតិ 0 | ចំនួនចែករំលែក 0
ពិតទេ ស្រីស្អាត ម៉ៅ គីមធីតា មានស្នេហាជាមួយតារា Original Song ម្នាក់!
ចន្លោះមិនឃើញ
បើតាមប្រភពស្និទ្ធស្នាលកញ្ញា ម៉ៅ គីមធីតា សុំមិនបញ្ចេញឈ្មោះបានឲ្យដឹងថា ពេលនេះនាងកំពុងតែមានទំនាក់ទំនងស្នេហាជាមួយតារាចម្រៀង Original Song ហាក់ សុធារិទ្ធ។
ប្រភពដដែលបានអះអាងថា តារាចម្រៀង និងសម្តែងប្រុសស្រីមួយគូនេះ តែងបង្ហាញភាពស្និតស្នាលជាសារធាណៈលើសពីទំនាក់ទំនងមិត្តភាពទៅទៀត។ ហើយអ្វីដែលពិសេសជាងនេះ គឺពួកគេទាំងពីរតែងតែទៅណាមកណាជាមួយគ្នាស្អិតដូចស្កតាំងម៉ែ និងតែងតែបារម្ភពីគ្នាទៅវិញទៅមកទៀតផង។
ក្រោយពីលេចឮព័ត៌មាននេះ Sabay បានទាក់ទងទៅតួអង្គស្រីក្នុងរឿង "មន្តស្នេហ៍លេខា" តែនាងសុំមិនបកស្រាយអ្វីទាំងអស់ជុំវិញទំនាក់ទំនងនាង និង ហាក់ សុធារិទ្ធ ព្រោះនាងចង់ទុកឲ្យពេលវេលាជាអ្នកបកស្រាយទៅចុះ។ "ច៎ាសបង ប្អូនសុំមិននិយាយទេរឿងនេះ ទុកឲ្យពេលវេលាជាអ្នកបកស្រាយឲ្យពួកខ្ញុំទាំងពីរអ្នក"។ ម៉ៅ គីមធីតា ថ្លែង។
យ៉ាងណាមិញម្ចាស់បទ "មេឃកំពុងភ្លៀងហើយ" ហាក់ សុធារិទ្ធ មិនអាចទំនាក់ទំនងបាននោះទេ ដោយទូរស័ព្ទហៅ ចូលមិនមានអ្នកទទួល៕