League Cup: Liverpool ចាញ់ Southampton អាចបាត់បង់ឱកាសទៅវគ្គផ្ដាច់ព្រ័ត្រ
- 2017-01-12 00:33:09
- ចំនួនមតិ 0 | ចំនួនចែករំលែក 0
League Cup: Liverpool ចាញ់ Southampton អាចបាត់បង់ឱកាសទៅវគ្គផ្ដាច់ព្រ័ត្រ
ចន្លោះមិនឃើញ
គូប្រជែងមកពី Premier League គឺ Southampton មានភាគរយនាំមុខ Liverpool សម្រាប់កៅអីវគ្គផ្ដាច់ព្រ័ត្រ League Cup ឬ EFL Cup ក្រោយឈ្នះ ១-០។
ការប្រកួតជើងទី១ដែលធ្វើនៅទឹកដី St Mary's Stadium កាលពីយប់មិញម្ចាស់ផ្ទះ Southampton មានឱកាសច្បាស់ៗជាង Liverpool ជាច្រើនដងហើយធ្វើបានសម្រេច១គ្រាប់នៅនាទី ២០ ដោយ Redmond តាមរយៈការបញ្ជូនបាល់ឲ្យយ៉ាងល្អពី Jay Rodriguez។
ដោយឡែក Liverpool វិញបើទោះជាគ្រប់គ្រងបាល់បានរហូតដល់ ៦៨% ក្នុងការប្រកួតនេះក៏ដោយ តែពួកគេមានឱកាសស៊ុតច្បាស់ៗ តែ ២ដងប៉ុណ្ណោះ គឺស៊ុតដោយខ្សែប្រយុទ្ធ Firmino តែមិនអាចផុតដៃអ្នកចាំទី Forster បាន។ ប្រកួតជើងទី២នឹងត្រូវធ្វើនៅកីឡដ្ឋាន Anfield វិញ ហើយបើចង់ទៅវគ្គផ្ដាច់ព្រ័ត្រ League Cup ក្រុមលោក Jurgen Klopp ត្រូវការឈ្នះ Southampton យ៉ាងហោចណាស់ក៏ ២-០ ដែរ៕