Milner ជាប់ឈ្មោះជាខ្សែការពារឆ្វេងល្អបំផុតនៅអង់គ្លេស និងលេខ២នៅអឺរ៉ុប

2017-01-12 03:09:09
ចំនួនមតិ 0 | ចំនួនចែករំលែក 0

ចន្លោះមិនឃើញ

James Milner ត្រូវចាត់ថ្នាក់ជាខ្សែការពារឆ្វេងដែលល្អបំផុតនៅ Premier League និងលេខ២នៅទ្វីបអឺរ៉ុបផ្អែកលើស្ថិតិនៃការលេងរបស់គេកន្លងមក។ នេះបើតាមការគូសបង្ហាញដោយស្ថាប័នអង្កេតពីបាល់ទាត់ឈ្មោះ CIES Football Observatory។

James Milner

អតីតខ្សែបម្រើស្លាបរូបនេះមានពិន្ទុ ៨៨ ស្មើគ្នាជាមួយ David Alaba របស់ Bayern Munich ហើយខ្ពស់ជាងDanny Rose (៨៧), Philipp Lahm (៨៦) និង Antonio Valencia (៨៤)។ កីឡាករឈរលើ Milner គឺខ្សែការពារឆ្វេង Alex Sandro របស់ Juventus ដែលមានពិន្ទុ ៨៩។

ដោយឡែកមិត្តរួមក្រុមរបស់ខ្លួន Phlippe Coutinho ដែលស៊ុតបញ្ចូលទីបាន ៦គ្រាប់និង បញ្ជូនឲ្យគេស៊ុតបាន៦ដងនោះត្រូវចាត់ថ្នាក់ជាខ្សែ បម្រើប្រយុទ្ធល្អបំផុតនៅអឺរ៉ុបមានពិន្ទុ ៨៩ស្មើគ្នាជាមួយ Kevin De Bruyne ស្របពេលដែល Jordan Henderson ស្ថិតក្នុងចំណោមខ្សែបម្រើការពារល្អទាំង១០នៅអឺរ៉ុប៕