ឡូយ! Chelsea ត្រៀមពង្រីកកីឡដ្ឋាន Stamford Bridge ដល់៦០០០០នាក់
- 2017-01-12 03:03:46
- ចំនួនមតិ 0 | ចំនួនចែករំលែក 0
ឡូយ! Chelsea ត្រៀមពង្រីកកីឡដ្ឋាន Stamford Bridge ដល់៦០០០០នាក់
ចន្លោះមិនឃើញ
ក្លឹបតោខៀវ Chelsea កំពុងត្រៀមខ្លួនពង្រីកកីឡដ្ឋាន Stamford Bridge ឲ្យដាក់អ្នកទស្សនាបានច្រើនជាងមុនរហូតដល់ ៦០០០០នាក់ និងគ្រោងចាប់ផ្ដើមជួសជុលសាងសង់ នៅឆ្នាំ២០១៨។
កីឡដ្ឋាន Stamford Bridge បច្ចុប្បន្ន អាចផ្ទុកអ្នកទស្សនាបានជាង៤ម៉ឺននាក់ ប៉ុន្តែម្ចាស់ក្លឹបលោកមហាសេដ្ឋីរុស្សី Roman Abramovich មានគម្រោងចង់ពង្រីកកីឡដ្ឋាននេះបន្ថែមរហូតអាចដាក់បាន៦ម៉ឺននាក់។ បន្ទាប់ពីកិច្ចប្រជុំម្សិលមិញ ចៅហ្វាយក្រុងឡុងដុងលោក Sadiq Khan បានយល់ព្រមឲ្យក្លឹប Chelsea អភិវឌ្ឍកីឡដ្ឋានបន្ថែមហើយ ប៉ុន្តែក្លឹបត្រូវតែចរចាជាមួយម្ចាស់ផ្ទះក្បែរៗតំបន់នោះបន្ថែមទៀត។
តាមគម្រោង Chelsea នឹងចាប់ផ្ដើមអភិវឌ្ឍកីឡដ្ឋានថ្មីនេះ នៅឆ្នាំ២០១៨ និងគ្រោងបញ្ចប់អាចដំណើរការនៅរដូវកាល ២០២១-២០២២។ ក្នុងអំឡុងពេលសាងសង់ ក្រុមតោខៀវ នឹងត្រូវលេងក្រៅកីឡដ្ឋាន Stamford Bridge រយៈពេល៣ឆ្នាំ ដែលពួកគេនឹងជួលកីឡដ្ឋានជាតិអង់គ្លេស Wembley ធ្វើជាការប្រកួតក្នុងដីបណ្ដោះអាសន្ន៕