អេ ភូថង ក្រើនរំលឹកដល់អ្នកប្រដាល់ឲ្យឃ្លាតឆ្ងាយដាច់ខាតពីគ្រឿងញៀន
- 2017-01-12 04:26:45
- ចំនួនមតិ 0 | ចំនួនចែករំលែក 0
អេ ភូថង ក្រើនរំលឹកដល់អ្នកប្រដាល់ឲ្យឃ្លាតឆ្ងាយដាច់ខាតពីគ្រឿងញៀន
ចន្លោះមិនឃើញ
អតីតជើងខ្លាំងប្រដាល់កម្ពុជា អេ ភូថង បន្ទាប់ពីឃើញពីភាពខុសឆ្គងមួយចំនួនរបស់កីឡាករប្រដាល់នាពេលកន្លងមក គ្រួប្រដាល់រូបនេះក៏ចង់ដាស់តឿនឃ្លាតឲ្យឆ្ងាយពីគ្រឿងញៀន ព្រោះផលប៉ះពាល់ខ្លាំងណាស់ទាំងខ្លួនឯង និងសង្គមជាតិ។
ស្ដេចប្រដាល់របស់កម្ពុជាកាល២០ឆ្នាំមុន អេ ភូថង បាននិយាយថា កុំបណ្ដោយខ្លួនឲ្យពាក់ព័ន្ធនឹងគ្រឿងញៀនឲ្យសោះ។ ដោយមើលឃើញពីការដើរផ្លូវខុសរបស់កីឡាករមួយចំនួនដូចជាកីឡាករ កន ចន្ថាន និងកីឡាករដទៃទៀតទើបអតីតប្រដាល់រូបនេះមិនចង់ឲ្យពួកគេប្រព្រឹត្ត។
ឪពុករបស់ អេ យ៉ាងនុត បន្ថែមទៀតថា បើពួកគេបណ្ដោយខ្លួនប្រើប្រាស់គ្រឿងញៀន វាប៉ះពាល់អាក្រក់ណាស់ បាត់បង់កេរ្តិ៍ឈ្មោះដែលខំសាងយ៉ាងលំបាក ជាប់ទោស មិនថាអាជីពជាអ្នកប្រដាល់ឬការងារផ្សេងទេគេមិនទទួលអ្នកញៀនថ្នាំមកធ្វើការឡើយ។ សូមប្អូនៗជាកីឡាករប្រដាល់ជៀសឲ្យបានឆ្ងាយពីគ្រឿងញៀនដើម្បីអនាគតរបស់ខ្លួន៕