ត្រឹម៦ថ្ងៃកូន នាយ ក្រឹម ព្យាបាលជម្ងឺអស់រាប់ពាន់ដុល្លារ

2017-01-12 05:11:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីកូនប្រុសកំពូលតារាកំប្លែង នាយ ក្រឹម សម្រាកព្យាបាលនៅមន្ទីរពេទ្យប្រទេសថៃ ដោយវះកាត់ដុំគីសនៅឆ្អឹងខ្នងកាលពីថ្ងៃសៅរ៍ ទី ៧ ឆ្នាំ ២០១៦កន្លងទៅនេះ បានរយៈពេល៦ថ្ងៃហើយ ដោយក្នុងនោះចំណាយថវិកាអស់៥០០០ ដុល្លារ។ នេះបើតាម នាយ ក្រឹម ប្រាប់មកកាន់ Sabay។

តារាកំប្លែងខ្លាចសត្វតុកកែរូបនេះថ្លែងថា៖ " គិតចាប់ពីថ្ងៃសៅរ៍មកដល់ពេលនេះការចំណាយ លើកូនប្រុសពូដែលសម្រាកព្យាបាលនៅមន្ទីរពេទ្យប្រទេសថៃអស់ប្រហែល៥០០០ ដុល្លារហើយ មិនគិតថ្លៃហូបចុក និងចាយវាយផ្សេងៗទេ ហើយស្ថានភាពជម្ងឺគាត់ពេលនេះបានធូរស្បើយមួយកម្រិត"។

ទោះបីជាស្ថានភាពជម្ងឺកូនលោកបានធូរស្បើយមួយកម្រិតមែន នៅតែមានក្តីបារម្ភ ព្រោះពេលនេះពេទ្យកំពុងតែបូមខ្ទុះចេញពីខួរឆ្អឹងខ្នង ដើម្បីទប់ស្កាត់កុំឲ្យវារីករាលដាលដល់សួត និងថ្លើម។ តារាកំប្លែងរូបនេះបន្តឲ្យដឹងទៀតថា កូនលោកមិនទាន់អាចចេញពីពេទ្យបាននៅឡើយទេ ទាល់តែ២សប្តាហ៍ទៀតទើបត្រឡប់មកកម្ពុជាវិញបាន។

តារាកំប្លែងតែងតែនិយមច្រៀងបទលោក ព្រាប សុវត្ថិ បញ្ជាក់ថា នៅព្រឹកស្អែកនេះលោក នឹងឡើងយន្តហោះទៅមើលកូនម្តង ព្រោះពេលនេះភរិយារបស់លោកកំពុងតែនៅមើលថែទាំកូនប្រុសនៅមន្ទីពេទ្យប្រទេសថៃ៕