Modric ឈ្នះពានកីឡាករក្រូអាត ល្អបំផុតប្រចាំឆ្នាំ ជាលើកទី៥
- 2017-01-12 04:59:25
- ចំនួនមតិ 0 | ចំនួនចែករំលែក 0
Modric ឈ្នះពានកីឡាករក្រូអាត ល្អបំផុតប្រចាំឆ្នាំ ជាលើកទី៥
ចន្លោះមិនឃើញ
ខ្សែបម្រើ Luka Modric បានឈ្នះរង្វាន់កីឡាករក្រូអាត ល្អបំផុតប្រចាំឆ្នាំ២០១៦ (Best Croatian Player 2016) ដែលផ្ដល់ដោយកាសែត Vecernji List កាលពីម្សិលមិញ។
នេះជាលើកទី៥ ដែលកីឡាករក្រុម Real Madrid រូបនេះ ទទួលបានរង្វាន់នេះ បន្ទាប់ពីធ្លាប់ឈ្នះកាលឆ្នាំ២០០៧, ២០០៨, ២០១១, ២០១៤ ប៉ុន្តែចាញ់ Ivan Rakitic កាលឆ្នាំ២០១៥។ សម្រាប់ឆ្នាំ២០១៦ Modric ទទួលបាន១១០ពិន្ទុ ប្រជែងឈ្នះម្ចាស់ពានចាស់ Rakitic របស់ក្លឹប Barcelona ៨០ពិន្ទុ និង Mario Mandzukic ៧៦ពិន្ទុ។ កីឡាករវ័យ៣១ឆ្នាំឈ្នះពានកីឡាករល្អបំផុតនេះ ដោយសារតែរូបគេ រដូវកាលមុន លេងបានល្អបំផុត ដែលឈ្នះពាន UEFA Champions League, FIFA Club World Cup និង UEFA Super Cup ថែមទៀត។
“ពានរង្វាន់នេះ ពិតជាមានន័យណាស់សម្រាប់ខ្ញុំ។ វាជាលើកទី៥សម្រាប់ខ្ញុំ ហើយវាពិតជាពិសេសខ្លាំងណាស់។ ខ្ញុំសូមអរគុណដល់អ្នកដែលបោះឆ្នោតឲ្យខ្ញុំ។ ខ្ញុំនឹងបន្តខំប្រឹង និងខំបង្កើនសមត្ថភាពរាល់ថ្ងៃ។ ខ្ញុំសូមអរគុណដល់មនុស្សទាំងអស់ ដែលជួយឲ្យខ្ញុំឈ្នះពានរង្វាន់នេះ”។ Modric បាននិយាយ៕