គំនូរជីវចលស្នាដៃខ្មែរ "ចៅកូរ" បណ្ដុះគំនិតកុមារកម្ពុជាស្រលាញ់បរិស្ថានតាំងពីក្មេង
- 2017-01-12 07:17:50
- ចំនួនមតិ 0 | ចំនួនចែករំលែក 0
គំនូរជីវចលស្នាដៃខ្មែរ "ចៅកូរ" បណ្ដុះគំនិតកុមារកម្ពុជាស្រលាញ់បរិស្ថានតាំងពីក្មេង
ចន្លោះមិនឃើញ
ខ្សែភាពយន្តគំនូរជីវចលកម្សាន្តខ្លីៗតែបង្កប់អត្ថន័យអប់រំពីបរិស្ថាន ចំនួន ១៨ភាគ ផលិតដោយស្នាដៃជនជាតិខ្មែរ នឹងចាក់បញ្ចាំងផ្សាយតាមកញ្ចក់ទូរទស្សន៍ ជាសារអប់រំដល់សាធារណជន ជាពិសេសប្អូនកុមារៗ ឲ្យចេះស្រលាញ់ការពារបរិស្ថានជុំវិញ ដែលខ្លួនរស់នៅ។
តាមការថ្លែងរបស់ ឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន គំនូរជីវចលខាងលើ គឺបានផលិតឡើងដោយវិចិត្រករខ្មែរ ដែលបានគូររូបតួអង្គនីមួយៗ តាមរចនាបថខ្មែរ សមស្របតាមសង្គមកម្ពុជា។ អ្វីដែលពិសេសទៅទៀតនោះ គឺគំនូរជីវចលទាំងនោះនឹងជួយផ្លាស់ប្ដូរផ្នត់ ពលរដ្ឋកម្ពុជាឲ្យស្រលាញ់បរិស្ថាន ជាពិសេសកុមារកម្ពុជាតូចៗ។
ចំពោះតួអង្គសំខាន់ៗ ក្នុងរឿង "ចៅកូរ" គឺមាន ចៅកូរ កូនទាហាន និងអាសង្ហា ដែលសម្ដែងក្នុងសាច់រឿងផ្សេងៗពាក់ព័ន្ធ នឹងបរិស្ថានសង្គមដូចជា ការបំពុលពីផ្សែងចេញពីយានយន្ត និងការបោះសំរាមចោលរាយប៉ាយ បង្រៀនប្រជាជនឲ្យចេះដាំដើមឈើជាជម្រកសត្វ ទប់ស្កាត់ការបរបាញ់សត្វព្រៃខុសច្បាប់។
ចំពោះការ ខ្សែភាពយន្តគំនូរជីវចលនោះ នឹងចាក់ផ្សាយតាមទូរទស្សន៍ក្នុងមួយថ្ងៃ ១០ដង សម្រាប់រយៈពេល ៦ខែ។ នេះបើតាមការឲ្យដឹងពី លោក លឹម ឃុនស្រ៊ុន អគ្គនាយកស្ថានីយទូរទស្សន៍ MY TV។
រំលឹកផងដែរថា លោក រដ្ឋមន្ត្រីក្រសួងបរិស្ថានបានថ្លែងអំពី គំនូរជីវចលខាងលើ នៅក្នុងពិធីកម្មវិធីចុះហត្ថលេខាលើអនុស្សរណៈនៃការយោគយល់គ្នា រវាងក្រសួងបរិស្ថាន និងដៃគូសហការផលិតគំនូរជីវចល៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
