វាគ្មិនមកពី៦ប្រទេសនឹងចែករំលែកចំណេះដឹងទាក់ទងនឹងវិស័យអប់រំ

2017-01-12 10:44:19
ចំនួនមតិ 0 | ចំនួនចែករំលែក 0

ចន្លោះមិនឃើញ

សិក្ខាសាលាអប់រំដ៏ធំមួយ នឹងរៀបចំឡើងនៅថ្ងៃទី១៤ មករា ២០១៧ខាងមុខនេះ ដោយមានវាគ្មិនជាតិ និងអន្តរជាតិឆ្នើមៗមកពី៦ប្រទេសចូលរួមធ្វើបទបង្ហាញ និងចែករំលែកចំណេះដឹងទាក់ទងនឹងវិស័យអប់រំក្នុងប្រទេសពួកគេ ក្រោមប្រធានបទ ហេតុអ្វីវិស័យអប់រំមានសារសំខាន់។

សិក្ខាសាលានេះនឹងផ្ដល់នូវអត្ថប្រយោជន៏ដល់អ្នកចូលរួមនូវចំណេះដឹងទូលំទូលាយថ្មីៗសម្រាប់ដឹកនាំជីវិតប្រកបដោយជោគជ័យទៅថ្ងៃអនាគតរបស់ខ្លួន។វាគ្មិនទាំង៩រូបមកពីប្រទេសចិន សិង្ហបុរី ហ្វីលីពីន ម៉ាឡេស៊ី ថៃ និងកម្ពុជានឹងចូលរួមចែករំលែកបទពិសោធន៍នឹងចំណេះដឹងរបស់ពួកគេដើម្បីលើកកម្ពស់វិស័យអប់រំនៅកម្ពុជា

លោក ប៉ិច បូឡែន ប្រធាននាយកក្រុមហ៊ុន វេសឡាញ អេឌ្យូខេសិនគ្រុប បានលើកឡើងថា វិស័យអប់រំពិតជាមានសារសំខាន់ សម្រាប់ជួយឲ្យប្រទេសជាតិមានការអភិវឌ្ឍ ព្រោះវាជាមូលដ្ឋានគ្រឹះដ៏រឹងមាំ ដែលទ្រទ្រង់វិស័យសេដ្ឋកិច្ច, នយោបាយ, និងវិស័យផ្សេងៗទៀតឲ្យមានការអភិវឌ្ឍ។

លោក ប៉ិច បូឡែន ប្រធាននាយកក្រុមហ៊ុន វេសឡាញ អេឌ្យូខេសិនគ្រុប

ចំណែកលោក ណាន គីណាល់ នាយកផ្នែកទីផ្សារ និងទំនាក់ទំនងនៃគ្រឹះស្ថានហិរញ្ញវត្ថុ AMK ក៏បានបញ្ជាក់ដែរថាមូលហេតុ នៃការចូលរួមឧបត្ថម្ភធំក្នុងសិក្ខាសាលានេះគឺដើម្បីចូលរួមបណ្ដុះបណ្ដាលធនធានមនុស្សក្នុងវិស័យអប់រំជាមួយរាជរដ្ឋាភិបាលកម្ពុជាឲ្យកាន់តែមានគុណភាពខ្ពស់។ បើគ្មានវិស័យអប់រំទេ វិស័យឯកជនក៏មិនមានការរីកចម្រើនបានដែរ។

ចំណែកលោក ណាន គីណាល់ នាយកផ្នែកទីផ្សារ និងទំនាក់ទំនងនៃគ្រឹះស្ថានហិរញ្ញវត្ថុ AMK

ប្រធានបទសំខាន់ៗដែលនឹងត្រូវលើកមកក្នុងសិក្ខាសាលានេះរួមមាន៖

១. ការចែករំលែកពីបច្ចុប្បន្នភាពនៃវិស័យអប់រំនៅកម្ពុជា

២. ការប្រើប្រាស់ទម្លាប់ល្អទាំង ៧សម្រាប់ជីវិត

៣. ប្រទេសសឹង្ហបូរីទទួលបានអត្ថប្រយោជន៍អ្វីខ្លះពីវិស័យអប់រំ

៤. ប្រទេសម៉ាឡេស៊ីនិងទិសដៅថ្មីក្នុងវិស័យអប់រំ

៥. សារៈសំខាន់នៃការអប់រំបណ្ដុះបណ្ដាលបច្ចេកទេសនិងវិជ្ជាជីវៈ

៥.ការរីកចម្រើនវិស័យអប់រំក្នុងប្រទេសចិន

៦.ជ្រុងមួយនៃការអប់រំក្នុងប្រទេសថៃ

៧.ហេតុអ្វីត្រូវវិនិយោគក្នុងវិស័យអប់រំនិងបណ្ដុះបណ្ដាល

៨.ការអប់រំនិងការអភិវឌ្ឍបុគ្គលិកលក្ខណៈ។

សូមបញ្ជាក់ថា សិក្ខាសាលានេះ នឹងធ្វើឡើងនៅសាលសហសិក្សាសម្ដេចអគ្គមហាសេនាបតីតេជោ ហ៊ុន សែន នៃវិទ្យាស្ថានបច្ចេកវិទ្យាកម្ពុជា (តិចណូ) ចាប់ពីម៉ោង ៨ព្រឹក ដល់ ៥ល្ងាច។ សិស្ស និស្សិត និងសាធារណជនអាចទំនាក់ទំនងទិញសំបុត្រចូលរួមក្នុងតម្លៃ ៥ដុល្លា ដែលរួមមានទាំងអាហារថ្ងៃត្រង់ និងអាហារសម្រន់។

សម្រាប់ព័ត៌មានបន្ថែមសូមទំនាក់ទំនងទូរស័ព្ទលេខ ០១០ ៦៧៤ ៧១៧ / ០៧០ ២២២ ៦៥០ ៕

អត្ថបទ: ដៃគូសហការ

ពាក្យទាក់ទង

ដៃគូសហការ

អត្ថបទពេញនិយម

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

តារា K-Pop នារីទាំង ១០ ជាប់ជាសំណព្វចិត្តរបស់ក្រុមនារីស្រឡាញ់ភេទដូចគ្នានៅកូរ៉េ

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប

មកដឹងអំពី! អត្ថន័យពិធីស្រង់ព្រះថ្ងៃបុណ្យចូលឆ្នាំខ្មែរ មិនសម្តៅតែលើព្រះពុទ្ធបដិមាទេ កុំភ្លេចព្រះរស់ក្នុងផ្ទះ

១៣មេសានេះ ជាថ្ងៃទីមួយនៃពិធីបុណ្យចូលឆ្នាំខ្មែរ ឬជាថ្ងៃមហាសង្ក្រាន្ត

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

អត្ថបទថ្មី

សិង្ហបុរីនឹងមាននាយករដ្ឋមន្ត្រីថ្មីនៅខែក្រោយ

ចិត្តដូចគ្នាណាស់! បវរកញ្ញា ៣រូប លើកយកសារ៉ុងខ្មែរមកច្នៃជាឈុត fashion ដើម្បីផ្សព្វផ្សាយ

១៦មេសានេះ ជាថ្ងៃចុងក្រោយនៃពិធីបុណ្យចូលឆ្នាំខ្មែរ ឬជាថ្ងៃវារៈឡើងស័ក

Kdrama ទាំង៥នេះធ្វើឱ្យអ្នកគាំទ្រ ជក់ចិត្តខ្លាំងជាមួយសមត្ថភាពសម្ដែងរបស់ Kim Soo Hyun

មកស្គាល់ពីរថភ្លើងមានល្បឿនលឿនបំផុតក្នុងសម័យទំនើប