Benzema ស៊ុតចុងម៉ោងឲ្យ Real បង្កើតកំណត់ត្រាមិនដែលចាញ់ថ្មីនៅអេស្ប៉ាញ

2017-01-13 01:03:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Real Madrid បានបង្កើតកំណត់ត្រាមិនដែលចាញ់ថ្មីនៅអេស្ប៉ាញចំនួន៤០ប្រកួតជាប់គ្នាបន្ទាប់ពី Karim Benzema បានស៊ុតចូលចុងម៉ោងជួយឲ្យពួកគេស្មើ ៣-៣ ជាមួយម្ចាស់ផ្ទះ Sevilla។

ក្នុងការប្រកួត Copa del Rey វគ្គ១៦ក្រុមចុងក្រោយយប់មិញ ខ្សែការពារស្លាបស្ដាំ Danilo របស់ Real Madrid បានភ្លាត់ស្នៀតធ្វើឲ្យចូលទីខ្លួនឯងត្រឹមនាទី ទី១០ ជាកាដូឲ្យ Sevilla នាំមុខមុន។ យ៉ាងណាមិញនៅនាទី៤៨ Asensio ស៊ុតតាមស្មើឲ្យ Real បានវិញ។

បន្ទាប់ពីគូប្រជែងតាមស្មើ Sevilla បានវាយសម្រុកយ៉ាងខ្លាំងហើយធ្វើបានសម្រេច២គ្រាប់ជាបន្តបន្ទាប់ស៊ុតបញ្ចូលទី ដោយ Jovetic ៥៣ និង Iborra ៧៧។ ចូលដល់នាទី ៨៣ Real មានឱកាសស៊ុតប៉េណាល់ទីសងបាន១គ្រាប់វិញ ស៊ុតដោយ Ramos មុនពេលដែល Karim Benzema ក្លាយជាវីរបុរសស៊ុតចូលនៅចុងម៉ោងនាទី៩០+៣ ជួយឲ្យក្រុមលោក Zidane បង្កើតកំណត់ត្រាមិនដែលចាញ់ថ្មី និងឈានទៅវគ្គ៨ក្រុមចុងក្រោយ៕