ឃើញកម្មវិធីឡូយៗ ដាក់ដោនឡូតហ្រ្វីៗ ប្រយ័ត្នគ្រោះថ្នាក់
- 2017-01-16 02:44:42
- ចំនួនមតិ 0 | ចំនួនចែករំលែក 0
ឃើញកម្មវិធីឡូយៗ ដាក់ដោនឡូតហ្រ្វីៗ ប្រយ័ត្នគ្រោះថ្នាក់
ចន្លោះមិនឃើញ
គេថារបស់ល្អ រមែងអីមានគេចាប់អារម្មណ៍ចង់បានច្រើន។ ដូចជា ទូរសព្ទទំនើប (Smartphone) ក្លាយជាទីពេញនិយម ខណៈទីផ្សារប្រើប្រាស់ក៏មានការកើនឡើង។ ដោយសារតែភាពទំនើប និងទីផ្សារសំបូរបែប ទើបវាបង្កើតរឿងឈឺក្បាលច្រើននិងនាំបញ្ហាមិនចេះចប់។
ក្នុងវេទិកាបារខែមកន្លងទៅ លោក អ៊ូ ផាន់ណារិទ្ធិ អ្នកជំនាញផ្នែកសុវត្ថិភាពមួយរូបបានលើកឡើងពីសន្តិសុខលើទូរសព្ទទំនើប ដែលកំពុងនាំក្តីព្រួយបារម្ភនិងនាំបញ្ហាស្មុគស្មាញច្រើន។
លោកថា មេរោគដែលវាយប្រហារទៅលើទូរសព្ទទំនើប កំពុងកើតមានព្រោងព្រាត។ លោកបានលើកពីឧទាហរណ៍ពីករណីកម្មវិធីមេរោគមួយ ដែលត្រូវគេអះអាងថាបង្កើតឡើងដើម្បីបង្កើនគុណភាពថ្ម ប៉ុន្តែតាមពិតទៅជាមេរោគ ដែលព្យាយាមលួចទិន្នន័យពីអ្នកប្រើប្រាស់ដោយមិនដឹងខ្លួន។
ទូរសព្ទទំនើបជាឧបករណ៍ដែលមានលក្ខណៈប្រើប្រាស់ស្មុគស្មាញ បើប្រៀបធៀបទូរសព្ទធម្មតា។ ពួកវាអាចឲ្យគេបើកមើលវេបសាយ ឬទាញយកកម្មវិធីប្រើប្រាស់ផ្សេងៗដោយសេរី ប៉ុន្តែវាក៏ប្រឈមបញ្ហាជាច្រើននោះដែរ។
លោកថា ជាវិធានការ អ្នកដែលកំពុងប្រើប្រាស់ទូរសព្ទទំនើបត្រូវតែធ្វើបច្ចុប្បន្នកម្មប្រព័ន្ធប្រតិបត្តិការ កម្មវិធីប្រឆាំងមេរោគនៅលើទូរសព្ទទំនើបឲ្យបានដល់កំណែថ្មីចុងក្រោយគេបំផុត ហើយនៅពេលទាញយកកម្មវិធីណាមួយ ក៏ត្រូវប្រាកដថាវាអាចជឿទុកចិត្ត ឬមានប្រភពច្បាស់លាស់។