ខ្លាំងបាត់! មហាសេដ្ឋីរុស្ស៊ីចាយ ៤លានដុល្លារ ជួលតារាច្រៀងការចៅស្រី

2017-01-16 12:28:25
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីរុស្ស៊ី Valery Kogan បានចំណាយទឹកប្រាក់ ៣,៥លានផោន(ប្រហែល ៤,២លានដុល្លារ) ជួលតារាចម្រៀងដ៏ល្បី ២រូបគឺ Mariah Carey និង Sir Elton John មកសម្ដែងក្នុងពិធីអាពាហ៍ពិពាហ៍ចៅស្រីបង្កើតនៅប្រទេសអង់គ្លេស។

Mariah Carey រ៉ូបខ្មៅ និងកូនក្រមុំ Valery Kogan រ៉ូបស

អាពាហ៍ពិពាហ៍ដ៏កក្រើកនេះ ធ្វើឡើងនៅសណ្ឋាគារ Landmark ក្នុងចក្រភពអង់គ្លេស ដែលមានតម្លៃស្នាក់នៅដល់ទៅ ១៧០០ដុល្លារក្នុងមួយយប់។ ចំពោះតម្លៃជួលតារាចម្រៀងវិញគឺ លោក Valery Kogan ចំណាយ ២,៥លានផោន(៣លានដុល្លារ) ដើម្បីឲ្យ Mariah Carey ជិះយន្តហោះពីអាមេរិក មកច្រៀងបទ We Belong Together និងជាង ១លានដុល្លារទៀត សម្រាប់តារាចម្រៀង Sir Elton John។

ក្រៅពីតារាល្បីឈ្មោះលំដាប់ពិភពលោកទាំង២ នៅមានវត្តមាន DJ Mark Ronson និងតារាសម្ដែង Antonio Banderas ព្រមទាំងតារារុស្ស៊ីជាច្រើនទៀត ក៏បានចូលរួមក្នុងពិធីដ៏ធំដំនេះដែរ។ មិនត្រឹមតែចាយលុយលើតារាដ៏សន្ធឹកសន្ធាប់ប៉ុណ្ណោះទេ សូម្បីតែមុខម្ហូបក៏សុទ្ធតែថ្លៃកប់ក្ដោង។ ភ្ញៀវដែលត្រូវអញ្ជើញចូលរួម សុទ្ធតែជាអ្នកមានមុខមាត់ក្នុងសង្គម ព្រមទាំងតន្ត្រីករ អ្នកចម្រៀងល្បីឈ្មោះ តារាបង្ហាញម៉ូដលំដាប់ពិភពលោក។

Sir Elton John

យ៉ាងណាក្ដី ការចំណាយដ៏សន្ធឹកសន្ធាប់នេះ ហាក់ដូចជាមិនបានមួយចំណិតនៃទ្រព្យសម្បត្តិរបស់ជីតាកូនក្រមុំឡើយ។ លោក Valery Kogan ត្រូវគេចាត់ទុកថាជាអ្នកមានបំផុតម្នាក់នៅរុស្ស៊ី ដោយសារលោកវិនិយោគត្រូវប៉ាន់លើព្រលានយន្តហោះ និងមានទ្រព្យសម្បត្តិប្រហែល ២ប៊ីលានដុល្លារ៕