Sabay ប្រកាសជ្រោមជ្រែងភាពយន្តខ្នាតខ្លី ១៥រឿង ក្នុងឆ្នាំនេះ

2017-01-17 04:16:03
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃបិទមហោស្រពជាតិភាពយន្តខ្នាតខ្លី លោក ជី សិលា នាយកប្រតិបត្តិក្រុមហ៊ុន Sabay ប្រកាសថា នឹងឧបត្ថម្ភសម្រាប់ការផលិតភាពយន្តខ្នាតខ្លី ១៥រឿង ដល់ជយលាភីទាំង៣រូប ក្នុងឆ្នាំ២០១៧នេះ។

ក្នុងឱកាសជួបសម្ភាសន៍ផ្ទាល់ជាមួយលោកកាលពីពេលថ្មីៗនេះ លោកបានបញ្ជាក់ថាទៀតថា Sabay នឹងផ្ដល់ជាថវិកា ក៏ដូចជា សម្ភារៈមួយចំនួនសម្រាប់ផលិតភាពយន្តខ្លី ទៅដល់ផលិតករដែលមានទេពកោសល្យ និងគំនិតច្នៃប្រឌិត សម្រាប់ជយលាភីទាំង៣ក្រុមនោះ គឺមួយក្រុម មានចំនួន៥រឿង។

ចុចអាន៖ រកឃើញជយលាភីភាពយន្តខ្លីប្រចាំឆ្នាំទាំង៣រូប

លោក ជី សិលា នាយកប្រតិបត្តិក្រុមហ៊ុន Sabay

ដោយឡែកសម្រាប់លក្ខខណ្ឌក្នុងការទទួលបានវិញ គឺម្ចាស់ពានរង្វាន់ទាំង៣រូបត្រូវមកជួបជាមួយក្រុមការងារ Sabay ទទួលយកប្រធានបទ ដើម្បីសរសេរជាសេណារ៉េយ៉ូ និងផលិតជារឿងតែម្ដង។

មូលហេតុជ្រោមជ្រែងជយលាភីទាំង៣ក្រុមខាងលើ លោកប្រាប់ថា ដោយសារចង់ផ្ដល់ឱកាសដល់ផលិតករវ័យក្មេង ដែលមានគំនិតច្នៃប្រឌិតស្រាប់ មានឱកាសក្នុងការបង្កើតស្នាដៃថ្មីៗ ហើយលោកជឿថាការចាប់ពីភាពយន្តខ្នាតខ្លីនេះ នឹងអាចបន្តទៅជាភាពយន្តខ្នាតវែង មិនតែប៉ុណ្ណោះនឹងធ្វើឲ្យវិស័យភាពយន្តរីកចម្រើននៅថ្ងៃខាងមុខ។

ស្តាប់ប្រសាសន៍ លោក ជី សិលា រៀបរាប់បន្ថែមក្នុងវីដេអូខាងក្រោម៖