សើចលែងសម! ជក់ប៉ះចំបារីផ្ទុះបាក់ធ្មេញម្ដង៧
- 2017-01-17 03:23:06
- ចំនួនមតិ 0 | ចំនួនចែករំលែក 0
សើចលែងសម! ជក់ប៉ះចំបារីផ្ទុះបាក់ធ្មេញម្ដង៧
ចន្លោះមិនឃើញ
បុរសរស់នៅរដ្ឋ Idaho សហរដ្ឋអាមេរិក បានបាក់ធ្មេញម្ដងចំនួន៧ និងរងការរលាកកម្រិតទី២ បន្ទាប់ពីបារីអេឡិចត្រូនិកផ្ទុះក្នុងមាត់។
លោក Andrew Hall បានត្រៀមខ្លួនធ្វើការនៅផ្ទះវិញក្នុងទីក្រុង Pocatello ក្រោយឧបករណ៍នេះផ្ទុះដោយមិនឲ្យសញ្ញាជាមុន។ បើតាមប្រភពបុរសដដែល បារីនេះបានផ្ទុះបែកជាចម្រៀកៗក្នុងមាត់បណ្ដាលឲ្យធ្មេញបាក់ស្រួលៗ និងរលាកមុខ ក ពេលលោកកំពុងជក់ក្បែរបន្ទប់ទឹក។
បុរសជាអ្នកលក់ឡានអាយុ ៣០ឆ្នាំខាងលើ បានបង្ហាញរូបថតរងរបួសដែលកំពុងស្នាក់នៅមន្ទីរពេទ្យ និងដាស់តឿនក្រើនរម្លឹកអ្នកជក់បារីអេឡិចត្រូនិកផ្សេងទៀតពីគ្រោះថ្នាក់អាចកើតឡើងគ្រប់ពេលវេលា។
ឪពុកកូនបីនាក់រូបនេះប្រាប់ថា "ខ្ញុំបានជក់បារីប្រភេទហ្នឹងប្រហែលមួយឆ្នាំហើយ ខ្ញុំមិនដែលធ្វើអ្វីជាមួយវាទេ។ ថ្មវាល្អ ហើយតែងតែយកទៅកន្លែងធ្វើការជានិច្ចចាប់តាំងពីទើបទិញដំបូង ប៉ុន្តែវាបែរជាផ្ទុះត្រូវមុខពេលនេះទៅវិញ"។ ទោះជាយ៉ាងណា ប្រភពមួយបានអះអាងថា ការផ្ទុះបណ្ដាលមកពីថ្មបារីប្រភេទ LG HG2 ឡើងកម្ដៅ៕