ហៅមិត្តភក្ត័មកយកឃ្មុំ លើដើមពោធិ៍ ជួបគ្រោះអកុសលនឹកស្មានមិនដល់

2017-01-17 07:33:05
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសម្នាក់បានជួបរឿងនឹកស្មានមិនដល់មួយដោយត្រូវខាតបង់អស់គោ ១នឹម ក្រោយពីបានហៅមិត្តភ័ក្ដិមកពីភូមិឆ្ងាយអោយឡើងយកឃ្មុំធំប៉ុនចង្អេរនៅលើដើមពោធិ៏ដ៏ធំមួយដើម ចម្ងាយជាង ៥០ម៉ែត្រពីផ្ទះរបស់ខ្លួននៅភូមិត្រពាំងត្រាច ឃុំលាយបូរ ស្រុកត្រាំកក់ ខេត្តតាកែវ។

លោកតា ញិលលាង អាយុ៧០ឆ្នាំ មានទីលំនៅភូមិជាមួយបុរសរងគ្រោះបានប្រាប់ Sabayថា កាលពីឆ្នាំ ២០១៤ កន្លងទៅ លោក ញិលអ៊ុយ អាយុ៤៥ឆ្នាំ បានហៅមិត្តភ័ក្ដិមកពី ភូមិព្រហ៊ូត ឃុំរការក្រៅ ក្រុងដូនកែវអោយឡើងយកឃ្មុំលើដើមពោធិ៍ គ្រាដែលអ្នកភូមិនានាមានការភយ័ខ្លាចមិនចង់អោយមានការប៉ះពាល់ឃ្មុំមួយសម្បុកនេះឡើយ ព្រោះលើដើមពោធិ៍ដែលមានអាយុកាលរាប់រាយឆ្នាំនេះពុំមាននរណាហ៊ានចូលជិតទេ។

ប្រភពខាងលើបន្តថា ក្រោយពីយកឃ្មុំបានហើយស្រាប់តែគោ១ក្បាលរបស់បុរសឈ្មោះ អ៊ុយបានប្រកាច់ស្លាប់ភ្លាមៗរហូតមិនអាចសង្រ្គោះទាន់។ មិនបានប៉ុន្មានគោ១ក្បាលទៀតក៏ត្រូវប្រកាច់ស្លាប់តាមក្រោយគ្នាយ៉ាងទាន់ហន់តែម្ដងដូចគ្នា។ “អ្នកភូមិបាននិយាយថា ដោយសារទីនោះមានអ្នកតានិងបារមីផ្សេងៗនៅថែរក្សាដើមពោធិ៍កាន់ព្រោះតាំងពីខ្ញុំកើតមកឃើញតែដើមពោធិ៍នេះប៉ុណ្ណឹងដដែល”។ លោកតា លាង និយាយ។

ចំណែក លោកយាយ នូ សាមឿន អាយុ ៦២ឆ្នាំ រស់នៅក្បែរទីតាំងកើតហេតុខាងលើប្រាប់ថា៖ ទីនេះមានអ្នកតាចាស់ស្រុកថែរក្សាហើយអ្នកខ្លះតែងមកបន់ស្រន់ពេលមានជំងឺថ្កាត់ រឺបាត់គោក្របី ជាដើមហើយក្រោយពីបន់ស្រន់ទៅមានប្រសិទ្ធភាពមែនពិសេសទៅទៀតនៅទីទួលនេះមានពស់សង់សឿ១គូរ ប៉ុនៗសសរផ្ទះ ដែលតែងបង្ហាញខ្លួនម្ដងម្កាល។