អូបាម៉ា សរសេរសារផ្អែមល្ហែម ផ្ញើទៅភរិយា អានហើយរំជួលចិត្ត!

2017-01-18 00:55:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិក លោក បារ៉ាក់ អូបាម៉ា បានជូនពរថ្ងៃខួបកំណើតភរិយា គឺលោកស្រី Michelle ដោយសរសេរសារផ្អែមល្ហែម នៅលើបណ្ដាញសង្គម Tweeter កាលពីថ្ងៃអង្គារ ម្សិលមិញនេះ ខណៈលោកស្រីបានឈានចូលវ័យ៥៣ឆ្នាំ។

សារជូនពរនោះមានខ្លឹមសារថា៖ «ជូនទៅកាន់មនុស្សស្រីមកពីប៉ែកខាងត្បូង ដែលបានទទួលយកតួនាទី ដែលនាងមិនបានសួររក និងទុកវាជាតួនាទីរបស់នាង... រីករាយថ្ងៃខួបកំណើត Michelle... បងស្រលាញ់អូន»។

សារជូនពរដ៏ផ្អែមល្ហែមនោះ បានភ្ជាប់ជាមួយរូបថតរបស់លោក និងលោកស្រី ដែលបានថតកាលពីថ្ងៃទី២០ ខែមករា ឆ្នាំ២០០៩ ដោយអង្គុយនៅខាងក្រោយរថយន្តតូចមួយគ្រឿង ខណៈស្លៀកពាក់ក្នុងឈុតដ៏ស្រស់ស្អាត សម្រាប់ពិធីសម្ពោធតំណែងប្រធានាធិបតី នៅក្នុងរាជធានី Washington សហរដ្ឋអាមេរិក។

លោក បារ៉ាក់ អូបាម៉ា និងភរិយា គឺលោកស្រី Michelle

គួរបញ្ជាក់ឲ្យដឹងផងដែរថា លោក អូបាម៉ា នៅសល់រយៈពេលតែ២ថ្ងៃទៀតប៉ុណ្ណោះ សម្រាប់ការចាកចេញពីតំណែងប្រធានាធិបតី និងត្រូវប្រគល់ភារកិច្ចទាំងអស់ជាផ្លូវការ ទៅកាន់ប្រធានាធិបតីជាប់ឆ្នោតថ្មី លោក ដូណាល់ ត្រាំ និង ភរិយា លោកស្រី Melania។

លោក ត្រាំ នឹងសម្ពោធតំណែងប្រធានាធិបតី នៅថ្ងៃសុក្រ ទី២០ ខែមករា ឆ្នាំ២០១៧ នេះ ក្នុងរាជធានី Washington សហរដ្ឋអាមេរិក៕

ប្រភព៖ Dailymail ប្រែសម្រួល៖ សេង ឡុង