អាន គុណកូឡា ប៉ះពាល់អារម្មណ៍ខ្លាំង រឿងដើរចេញពីសាន់ដេ

2017-01-18 07:27:25
ចំនួនមតិ 0 | ចំនួនចែករំលែក 0

ចន្លោះមិនឃើញ

អាន គុណកូឡា បានប្រាប់ Sabay ថាព័ត៌មានក្នុងស្រុកកន្លងមក ដែលលេចឮថាលោកដើរចេញពីសាន់ដេទៅចូលផលិតកម្មផ្សេងមិនមែនជាការពិតទេ ហើយព័ត៌មានមួយនេះក៏ធ្វើឲ្យប៉ះពាល់អារម្មណ៍លោកយ៉ាងខ្លាំងផងដែរ។

ម្ចាស់បទ "នៅក្បែរមនុស្សក្បត់យូរអូនឆ្លងតាម" បន្តថា នៅទ្រនំសាន់ដេសព្វថ្ងៃនេះបានផ្តល់ភាពកក់ក្តៅដល់លោកមានរឿងអ្វីដែលត្រូវដើរចេញពីសាន់ដេ។ ដោយឡែកក្នុងឆ្នាំថ្មីនេះ ផលិតកម្មសាន់ដេបានសម្រិតសម្រាំងបទចម្រៀងមួយចំនួនឲ្យលោកមានទាំងបទបែបមនោសញ្ចេតនា និងបទញាក់កន្រ្តាក់អារម្មណ៍ ដូចនេះសូមទស្សនិកជនកុំយល់ច្រលំថាលោកដើចេញពីសាន់ដេ។

លោក អាន គុណកូឡា បន្ថែមថា៖ "ថ្ងៃណាមួយបើខ្ញុំដើរចេញពីសាន់ដេខ្ញុំមិនទៅចូលផលិតកម្មផ្សេងដាច់ខាត គឺខ្ញុំចង់ធ្វើជាអ្នកចម្រៀងឯករាជ្យ ដូចតារាចម្រៀងមួយចំនួន ដោយផលិតបទចម្រៀងខ្លួនឯង ម្យ៉ាងទៀតខ្ញុំចង់ដឹងពីសមត្ថភាពរបស់ខ្ញុំដែរ"៕

អត្ថបទ៖ ឆុង ស៊ីណាន