វត្តមាន Click ០១៧ នឹងមកដល់ស្រុកខ្មែរ ចុងខែនេះ

2017-01-18 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Honda Click ស៊េរី ០១៧ ដែលបានបង្ហាញខ្លួននៅថៃថ្មីៗ នឹងមកដល់ទីផ្សារកម្ពុជានៅចុងខែមករានេះ។

តាមការបញ្ជាក់ពីម្ចាស់ហាង ទួត សីហា ឲ្យដឹងថា ខាងលោកក៏ទទួលដំណឹងពីម៉ូតូស៊េរីថ្មី Click នេះដែរ តែចំពោះតម្លៃពេលមកដល់ទីផ្សារកម្ពុជានៅចុងខែនេះ លោកពុំទាន់ប្រាកដនៅឡើយ។

ម្ចាស់ហាងម៉ូតូល្បីនៅម្តុំគិរីរម្យនេះថា តាមពិតលោកចង់បាន Click ស៊េរីថ្មីច្រើនគ្រឿងពីក្រុមហ៊ុនយកមកលក់ តែពេលដំបូងប្រហែលលំបាកបន្តិច។ លោកថា ជាក់ស្ដែង Click ម៉ូដែលមុនៗពេលមកដល់ថ្ងៃដំបូង អាចបានត្រឹម ៤ ទៅ ៥ គ្រឿងប៉ុណ្ណោះ ហើយលក់ដាច់អស់រលីង ឯស៊េរីថ្មីនេះលោកក៏អះអាងថា នឹងទទួលការចាប់អារម្មណ៍ខ្លាំងដូចគ្នា។

Click i125 ស៊េរី ០១៧ ឌីហ្សាញរូបរាងខាងក្រៅទាក់ទាញ តែមអាប់ដេតថ្មី ឯយ៉ាន់រំលេចពណ៌មាស។ វាមានកម្លាំងម៉ាស៊ីន ១២៥ សេសេ មានប្រព័ន្ធធុងទឹកបញ្ចុះកម្តៅ ចំណុះប្រេង ៥,៥ លីត្រ និងស៊ីសាំងមួយលីត្រក្នុងចម្ងាយផ្លូវប្រហែល ៦០គីឡូម៉ែត្រ។

Click ស៊េរីថ្មីប្រភេទយ៉ាន់ពណ៌មាសមានពណ៌ ក្រហម-ខ្មៅ, ខ្មៅ-ឈាមជ្រូក, ស្លែ-ខ្មៅ និង ស-ឈាមជ្រូក ឯប្រភេទយ៉ាន់ពណ៌ធម្មតាមានជម្រើសពណ៌ ខ្មៅសុទ្ធ, ខ្មៅ-ខៀវ, ក្រហម-ខ្មៅ និង ទឹកសណ្ដែក-ខ្មៅ៕

អត្ថបទ៖ ផាន់និត