នេះជាអាថ៌កំបាំងរបស់តារាម៉ូដែលបារាំងវ័យ ៦១ឆ្នាំហើយ នៅតែជាផ្ទាំងស៊ីបរបស់ក្រុមហ៊ុនធំៗ
- 2017-01-19 02:27:55
- ចំនួនមតិ 0 | ចំនួនចែករំលែក 0
នេះជាអាថ៌កំបាំងរបស់តារាម៉ូដែលបារាំងវ័យ ៦១ឆ្នាំហើយ នៅតែជាផ្ទាំងស៊ីបរបស់ក្រុមហ៊ុនធំៗ
ចន្លោះមិនឃើញ
Yazemeenah Rossi ជាតារាម៉ូដែលជនជាតិបារាំងដ៏ជោគជ័យមួយរូប បើទោះស្ថិតក្នុងវ័យទៅ៦១ឆ្នាំទៅហើយក្ដី ដោយនាងបានបង្ហាញពិភពលោកទាំងមូលថា មិនមែនមានតែស្រីក្មេងៗទេដែលអាចក្លាយជាកំពូលតារាម៉ូដែលបាន។
តើអ្វីជាអាថ៌កំបាំងរបស់ Rossi ដែលធ្វើឲ្យនាងមើលទៅស្រស់ស្អាតទាក់ទាញបាន ក្នុងវ័យ៦១ឆ្នាំ? Rossi បានប្រាប់ថា ដើម្បីថែសម្រស់ឲ្យបានស្អាត ទីមួយ គឺត្រូវរស់នៅក្នុងជីវិតតាមអ្វីដែលយើងចូលចិត្ត និងធ្វើអ្វីដែលយើងស្រលាញ់។
ទីពីរ ត្រូវផ្ដោតទៅលើអាហារបំប៉នដែលជួយសុខភាព និងញ៉ាំបន្លែ ត្រីឲ្យបានច្រើន។ ចំណែកឯចំណុចទីបី ថែរក្សាស្បែក និងសក់ដោយប្រើប្រេងធម្មជាតិ។
ថ្មីៗនេះ Rossi បានថតផ្សព្វផ្សាយឈុតហែលទឹកឲ្យក្រុមហ៊ុនមួយ។ ដោយមានអ្នកច្នៃម៉ូដជាច្រើននៅទីនោះ។ ចង់លុបបំបាត់នូវការរើសអើងរូបរាងនិងវ័យក្នុងវិស័យបង្ហាញម៉ូដ ក៏ដូចជាចង់បង្ហាញនូវសម្រស់ពិត និងភាពធម្មជាតិរបស់ស្ត្រី ពួកគេយល់ថា Rossi សាកសមបំផុតក្នុងការថតបង្ហាញឲ្យក្រុមហ៊ុន។
អ្នកតំណាងម៉ាកឈុតហែលទឹកមួយរូបបាននិយាយថា "ស្ត្រីម្នាក់នេះ (Rossi) គឺពោរពេញដោយកម្លាំង និងថាមពល។ នាងមានភាពជឿជាក់ខ្ពស់ ហើយថែមទាំងមើលទៅ ស្រស់ស្អាត និងទាក់ទាញបំផុត។"
Yazemeenah Rossi បានចាប់ផ្ដើមចុះកុងត្រាដើរម៉ូដ ក្រោយពីនាងមានអាយុ៤០ឆ្នាំស្របពេលកូនៗក៏ធំៗអស់។ ប៉ុន្តែទោះបីជាមានវ័យចំណាស់ក៏ពិតមែន Rossi មានភាពជោគជ័យខ្លាំងក្នុងវិស័យបង្ហាញម៉ូដ ជាពិសេស សក់ដ៏វែង ពណ៌ស របស់នាង បានក្លាយជាចំណាប់អារម្មណ៍របស់បណ្ដាក្រុមហ៊ុនម៉ូដទាំងឡាយ៕