ស្ងាត់ៗ! វីរបុរសប្រេស៊ីល Rivaldo ទៅជួប MSN ដល់ទីលានហ្វឹកហាត់
- 2017-01-19 03:08:01
- ចំនួនមតិ 0 | ចំនួនចែករំលែក 0
ស្ងាត់ៗ! វីរបុរសប្រេស៊ីល Rivaldo ទៅជួប MSN ដល់ទីលានហ្វឹកហាត់
ចន្លោះមិនឃើញ
Rivaldo វីរបុរសក្រុមជម្រើសជាតិប្រេស៊ីល ដែលធ្លាប់លេងឲ្យក្រុម Barcelona រយៈពេល៥ឆ្នាំ ចន្លោះឆ្នាំ១៩៩៧-២០០២ បានទៅដល់ទីលានហ្វឹកហាត់ Joan Gamper របស់ក្រុមអ្នកមានបុណ្យ និងបានជួបជាមួយ Lionel Messi, Luis Suarez និង Neymar ផងដែរ កាលពីថ្ងៃពុធម្សិលមិញ។
អតីតខ្សែបម្រើឆ្នើមរូបនេះ បានធ្វើឲ្យអ្នកគាំទ្រក្រុម Barca ភ្ញាក់ផ្អើលយ៉ាងខ្លាំង បន្ទាប់ពីបានបង្ហោះរូបភាពជាមួយ MSN ដោយថែមរហស្សនាមថ្មីបែបលេងសើច "MRNS” ទៀតផង។ បុរសវ័យ៤៤ឆ្នាំ បានសរសេរសារថា៖ "អរគុណ សម្រាប់ការទទួលស្វាគមន៍ និងការស្រលាញ់ ដែលកីឡាករទាំងអស់ បានផ្តល់ឲ្យខ្ញុំថ្ងៃនេះ។ Visca Barca! MRNS”។
ក្រុម Barcelona បានហ្វឹកហាត់យ៉ាងសកម្មម្សិលមិញ ដើម្បីត្រៀមប្រកួតពានរង្វាន់ Copa del Rey វគ្គ៨ក្រុម ជើងទី១ ទល់នឹងក្រុម Real Sociedad នៅកីឡដ្ឋាន Anoeta វេលាម៉ោង០៣:១៥នាទីយប់នេះ៕