Luis Enrique ថា Copa del Rey យប់នេះ មិនឲ្យស្មើ Real Sociedad ដូចប្រកួតក្នុងលីគឡើយ
- 2017-01-19 13:41:58
- ចំនួនមតិ 0 | ចំនួនចែករំលែក 0
Luis Enrique ថា Copa del Rey យប់នេះ មិនឲ្យស្មើ Real Sociedad ដូចប្រកួតក្នុងលីគឡើយ
ចន្លោះមិនឃើញ
Luis Enriqueអ្នកចាត់ការក្រុម Barcelona បានប្រាប់សារព័ត៌មាន កន្លងទៅថ្មីៗនេះថា លោក ចង់ឲ្យក្រុម ប៉ះជាមួយ Real Sociedad ក្នុងប្រកួតពាន Copa del Ray មិនឲ្យស្មើដូចកាលប្រកួត នៅក្នុង La Liga កាលពីខែវិច្ឆិកា កន្លងទៅនោះទេ។
ក្នុងសន្និសីទសារព័ត៌មានពីថ្ងៃ ព្រហស្បតិ៍ ម្សិលមិញ អ្នកចាត់ការសញ្ជាតិអេស្ប៉ាញ Enrique បាននិយាយថា៖ " ពួកយើង ធ្លាប់លេងច្រើនប្រកួត ជាមួយ Real (Real Sociedad ) ដែលពេលខ្លះ ពួកគេប្រសើរជាងយើង។ ខ្ញុំ សង្ឃឹមថា ការប្រកួតនេះ គឺមិនឲ្យដូច កាលពីប្រកួតក្នុងលីគ នោះឡើយ។ និយាយឲ្យត្រង់ បើទម្រង់លេងគូសត្រូវល្អ ពិតណាស់ ពួកគេប្រាកដជាឈ្នះ។ "
គួររំលឹកដែរថា ក្រុមអ្នកមានបុណ្យ FC Barcelona នឹងជួបជាមួយ ក្រុម Real Sociedad ក្នុងការប្រកួត ពានរង្វាន់ Copa del Ray វគ្គ៨ក្រុមចុងក្រោយ ជើងទី១ នៅកីឡដ្ឋាន Anoeta វេលាម៉ោង ០៣:១៥ នាទីទៀបភ្លឺនេះ។
សម្រាប់ជម្រើសដំបូងរបស់ Barca យប់នេះ អាចជា៖
អ្នកចាំទី៖ Jasper Cillessen, Jordi Masip
ខ្សែការពារ៖ Piqué, Javier Mascherano, Jordi Alba, Lucas Digne, Sergi Roberto, Samuel Umtiti
ខ្សែបម្រើ៖ Ivan Rakitic, Sergio Busquets, Denis Suárez, Arda Turan, Andrés Iniesta, André Gomes
ខ្សែប្រយុទ្ធ៖ Luis Suárez, Lionel Messi, Neymar Jr, Paco Alcácer