វីវរ! កូរ៉េខាងជើង ត្រៀមគ្រាប់មីស៊ីលឆ្លងទ្វីប លើជើងទម្របាញ់ចល័តហើយ!
- 2017-01-20 02:50:36
- ចំនួនមតិ 0 | ចំនួនចែករំលែក 0
វីវរ! កូរ៉េខាងជើង ត្រៀមគ្រាប់មីស៊ីលឆ្លងទ្វីប លើជើងទម្របាញ់ចល័តហើយ!
ចន្លោះមិនឃើញ
ប្រទេសកូរ៉េខាងជើង អាចនឹងកំពុងតែត្រៀមមីស៊ីលឆ្លងទ្វីប (ICBM) ចំនួន២គ្រាប់ សម្រាប់ការបាញ់សាកល្បង នាពេលអនាគត។ នេះបើតាមមន្ត្រីយោធាកូរ៉េខាងត្បូង បានប្រាប់ទីភ្នាក់ងារសារព័ត៌មាន Yonhap។
ទោះជាយ៉ាងណា មន្រ្តីមកពីទីក្រុងសេអ៊ូលម្នាក់ បានប្រាប់អ្នកកាសែតថា ការអះអាងខាងលើ មិនទាន់ត្រូវបានបញ្ជាក់នៅឡើយទេ ប៉ុន្តែខាងយោធាកំពុងពិនិត្យតាមដានស្ថានការណ៍នេះ យ៉ាងដិតដល់។
បើយោងតាមសារព័ត៌មាន Yonhap បានឲ្យដឹងថា មីស៊ីលឆ្លងទ្វីប ចំនួន២គ្រាប់របស់កូរ៉េខាងជើង ត្រូវបានដាក់នៅលើជើងទម្រចល័ត សម្រាប់បាញ់គ្រាប់រ៉ុកកែត រួចទៅហើយ។ គេបានប៉ាន់ប្រមាណថា វាមានប្រវែងមិនលើសពី ១៥ម៉ែត្រឡើយ ដោយអាចបាញ់បានចម្ងាយប្រហែល ៥ ៥០០គីឡូម៉ែត្រ៕