Sadio Mane ស៊ុតឲ្យសេណេហ្គាល់ ឡើងវគ្គ៨ក្រុម Africa Cup of Nations មុនគេ

2017-01-20 03:15:11
ចំនួនមតិ 0 | ចំនួនចែករំលែក 0

ចន្លោះមិនឃើញ

Sadio Mane ខ្សែបម្រើប្រយុទ្ធឆ្នើមក្រុមហង្សក្រហម Liverpool បានស៊ុតបញ្ចូលទី១គ្រាប់ ជួយឲ្យក្រុមជម្រើសជាតិសេណេហ្គាល់ ឈ្នះស៊ីមបាបវេ ២-០ កក់កៅអីឡើងវគ្គ៨ក្រុមចុងក្រោយ ពានរង្វាន់ Africa Cup of Nations មុនគេ កាលពីយប់មិញ។

Sadio Mane (លេខ១០-ស្តាំ)

Mane ស៊ុតគ្រាប់បើកឆាកនៅនាទីទី១០ មុនពេលមិត្តរួមក្រុម Henri Saivet ស៊ុតបាល់ហ្វ្រីឃីកយ៉ាងអស្ចារ្យនៅ៣នាទីបន្ទាប់។ ក្នុងពូល B សេណេហ្គាល់ ប្រកួត២ដងកន្លងមក ឈ្នះទាំង២ប្រកួត (ប្រកួតមុនឈ្នះទុយណេស៊ី ២-០) មាន៦ពិន្ទុ ឈរលេខ១ ឡើងវគ្គ៨ក្រុមមុនគេ ដោយស្វ័យប្រវត្តិ ទោះប្រកួតក្រោយចាញ់អាល់ហ្សេរីក៏ដោយ។ ពួកគេ នឹងឡើងប៉ះក្រុមលេខ២ ក្នុងពូល A នៅវគ្គ៨ក្រុមជាបន្ត។

សម្រាប់ Mane ដែលជាកីឡាករមានតម្លៃខ្លួនថ្លៃបំផុតនៅទ្វីបអាហ្វ្រិក ៣៥លានផោនកាលផ្ទេរទៅ Liverpool ដើមរដូវកាលនេះ ពិតជាបង្ហាញទម្រង់លេងល្អមែនទែនឲ្យក្រុមជម្រើសជាតិសេណេហ្គាល់។ ប្រកួតមុន កីឡាកររូបនេះ ក៏ស៊ុតបញ្ចូលទី ដោយទាត់បាល់ពិន័យ១១ម៉ែត្រ បាន១គ្រាប់ផងដែរ៕