ម្សិលមិញនេះ ស្ថានទូតអាមេរិកនៅកម្ពុជា បើកភ្លើងខៀវឲ្យ អេនឌី
- 2017-01-20 07:33:09
- ចំនួនមតិ 0 | ចំនួនចែករំលែក 0
ម្សិលមិញនេះ ស្ថានទូតអាមេរិកនៅកម្ពុជា បើកភ្លើងខៀវឲ្យ អេនឌី
ចន្លោះមិនឃើញ
តាមលោក អេនឌី បានឲ្យដឹងថា ពេលលោកត្រៀមនឹងទៅសហរដ្ឋអាមេរិកជាថ្មីទៀតហើយ បន្ទាប់ពីទើបទទួលបានភ្លើងខៀវពីស្ថានទូតសហរដ្ឋអាមេរិកប្រចាំនៅកម្ពុជាម្សិលមិញនេះ ក្នុងបេសកកម្មសិល្បៈនៅលើទឹកដីរបស់គេ។
តាមពិតទៅ តារាប្រុសដែលទើបចេញឈុតក្ដៅសាច់ជាមួយជាស្រីស្អាត លីឡា រូបនេះ បានជាប់សម្ភាសន៍ជាមួយស្ថានទូតតាំងពីសប្ដាហ៍មុន ប៉ុន្តែលោកមិនហ៊ានបញ្ចេញឲ្យដឹង។ "ខ្ញុំជាប់សម្ភាសន៍តាំងអាទិត្យមុនម៉េសបង ប៉ុន្តែខ្ញុំចាំបាន Visa មកដល់ដៃសិន ចាំនិយាយ។ ឥឡូវបានហើយ គឺទើបបានម្សិលមិញនេះឯង"។
នេះជាដំណើរទៅសហរដ្ឋអាមេរិកលើកទី២ ចាប់តាំងពីឆ្នាំ ២០១៤ មក ដោយក្នុងនោះត្រូវរួមដំណើរជាមួយតារាស្រីម្នាក់ទៀតឈ្មោះ រ៉ន រតនៈ។ អេនឌី ទទួលបាន Visa រយៈពេល៣ខែពីស្ថានទូតសហរដ្ឋអាមេរិក ដែលក្នុងរយៈពេលនេះ មានន័យថា លោកអាចចាកចេញទៅថ្ងៃណាក៏បាន។ យ៉ាងណាក៏ដោយ លោកប្រាប់ថា អាចនឹងចេញទៅនៅចុងខែនេះតែម្ដង។
ដោយឡែករយៈពេលស្នាក់នៅធ្វើការងារសិល្បៈនៅលើទឹកដីសហរដ្ឋអាមេរិក គឺអាចប្រមាណ៣ខែដូចគ្នា ដោយបច្ចុប្បន្នកំពុងទំនាក់ទំនងជាមួយម្ចាស់ Sponsor នៅទីនោះ។ "កំពុងតែទាក់ទងគ្នា តែអាច៣ខែដែរ ហើយទីក្រុងដែលពួកខ្ញុំអាចសម្ដែង គឺមានបូស្ដុន ឡុងប៊ិច ជាដើម នៅមានទៀត ភាគច្រើនជាទីក្រុងដែលសម្បូរខ្មែរយើងរស់នៅ"។
អេនឌី ប្រាប់ទៀតថា លោកពិតជារីករាយណាស់ ដែលបានទៅកាន់ប្រទេសមួយនេះជាលើកទី២ ក្រោយខកខានប្រមាណជា៣ឆ្នាំរួចមកហើយ៕