ខ្លះថា Andy Lau រហែករន្ធគូទក្រោយធ្លាក់ពីលើខ្នងសេះពេលថតសម្ដែង ឯខ្លះទៀតថា...
- 2017-01-20 08:43:42
- ចំនួនមតិ 0 | ចំនួនចែករំលែក 0
ខ្លះថា Andy Lau រហែករន្ធគូទក្រោយធ្លាក់ពីលើខ្នងសេះពេលថតសម្ដែង ឯខ្លះទៀតថា...
ចន្លោះមិនឃើញ
តារាសម្ដែងហុងកុង Andy Lau ដែលទើបនឹងលេងក្នុងរឿង "The Great Wall” បានជួបគ្រោះថ្នាក់ ខណៈពេលថតសម្ដែងក្នុងប្រទេសថៃ ដែលនាំឲ្យមានការរាយការណ៍ខុសៗគ្នា។
Lau បានធ្លាក់ពីលើខ្នងសេះ ពេលដែលលោកថតផ្សាយពាណិជ្ជកម្មមួយ កាលពីថ្ងៃទី១៧ ខែមករា ឆ្នាំ២០១៧ នៅឯប្រទេសថៃ ដែលធ្វើលោកអុកគូទ រហែករន្ធទ្វារធំ។ ក្រុមគ្រូពេទ្យបានជួយព្យាបាល Lau ហើយក្រោយមក ពួកគេបានបញ្ជាក់ថា មិនមានអ្វីគួរឲ្យបារម្ភឡើយ។
ប៉ុន្តែបើតាមរបាយការណ៍របស់កាសែតហុងកុង គេបានរៀបរាប់រឿងរ៉ាវកើតហេតុខុសគ្នា អំពីគ្រោះថ្នាក់របស់តារាចិន វ័យ៥៥ឆ្នាំ រូបនេះទៅវិញ។ កាសែត The South China Morning Post បានចេញសេចក្ដីថា ពេល Lau ឡើងជិះសេះ សេះបានស្លន់ស្លោពេញហ្នឹង រហូតដល់គ្រលែង Lau ទៅនឹងដី ហើយរត់ជាន់លើខ្នងរបស់លោក។ តាមកាសែតនេះដដែល Lau ជិះយន្តហោះទៅហុងកុងវិញនៅថ្ងៃបន្ទាប់ ដើម្បីព្យាបាលរបួស។
Andy Lau ជាម្នាក់ក្នុងចំណោមតារាហុងកុងដែលជោគជ័យបំផុត។ ភាពយន្តធំៗដែលលោកធ្លាប់បានសម្ដែងមានដូចជា "Days of Being Wild”, “Detective Dee”, “The House of Flying Daggers” និង “The Warlords” ។