De Gea ជឿថា Man Utd អាចឈ្នះពានទាំង៤ រដូវកាលនេះ

2017-01-20 09:23:03
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទី David de Gea របស់ក្រុម Manchester United នៅតែមានជំនឿចិត្តថា បិសាចក្រហមនៅមានឱកាសឈ្នះពានរង្វាន់ទាំង៤ រដូវកាលនេះ ហើយខ្លួននឹងខំប្រឹងតស៊ូរហូតដល់ទីបំផុត។

De Gea អ្នកចាំទីដៃស្អិត ក្រុមបិសាចក្រហម Man Utd

Man Utd បច្ចុប្បន្នឈរលេខ៦ នៅ Premier League, ឡើងដល់វគ្គពាក់កណ្ដាលផ្ដាច់ព្រ័ត្រ League Cup (EFL Cup), ជុំទី៤ FA Cup ហើយក្រុមលោក Jose Mourinho ក៏នឹងបន្តបេសកកម្មនៅពានរង្វាន់អឺរ៉ុប UEFA Europa League ខែក្រោយទៀតផងដែរ។

“យើងកំពុងលេងក្នុងការប្រកួតប្រជែងពាន៤ ហើយយើងនឹងប្រយុទ្ធរហូតដល់ទីបំផុត សម្រាប់ពានរង្វាន់ទាំងអស់នេះ។ យើងចង់រក្សាការឈ្នះ។ យើងកំពុងលេងបានល្អ ហើយយើងត្រូវតែបន្តនៅកម្រិតលេងដូចនេះ ដោយព្យាយាមឈ្នះឲ្យបានច្រើន បន្ទាប់មកយើងនឹងដឹងថា យើងអាចបញ្ចប់លេខប៉ុន្មានក្នុងលីគ”។ អ្នកចាំទីដៃស្អិត សញ្ជាតិអេស្ប៉ាញ បានលើកឡើង។

Man Utd មិនទាន់ស្គាល់ពាក្យថា "ចាញ់” ទេ ក្នុង១៦ប្រកួតចុងក្រោយ ខណៈដែលកាលថ្ងៃអាទិត្យ ធ្វើបានស្មើ Liverpool ១-១ នៅ Old Trafford។ ប្រកួតបន្ទាប់ បិសាចក្រហមនឹងប៉ះ Stoke City នៅ Premier League នាកីឡដ្ឋាន Bet365 យប់ថ្ងៃសៅរ៍ស្អែកនេះ៕

ប្រភព៖ Mirror ប្រែសម្រួល៖ វិន ជីវ័ន្ត