ស្បថចូលកាន់តំណែងភ្លាម Donal Trump ចេញសារក្តៅនាំអាមេរិករកភាពអស្ចារ្យឡើងវិញ
- 2017-01-21 02:19:17
- ចំនួនមតិ 0 | ចំនួនចែករំលែក 0
ស្បថចូលកាន់តំណែងភ្លាម Donal Trump ចេញសារក្តៅនាំអាមេរិករកភាពអស្ចារ្យឡើងវិញ
ចន្លោះមិនឃើញ
ក្នុងពិធីស្បថចូលកាន់តំណែងជាប្រធានាធិបតីអាមេរិកទី ៤៥ លោក Donald Trump បានចេញសារខ្លាំងៗក្នុងការនាំផលប្រយោជន៍អាមេរិកត្រឡប់មកវិញ ក្នុងពេលដែលពិភពលោកកំពុងតាមដានព្រឹត្តិការណ៍នៃការផ្ទេរអំណាចដ៏ក្តៅគគុកនេះ។
ពលរដ្ឋអាមេរិករាប់ម៉ឺននាក់បានឈរទាំងភ្លៀង ដើម្បីទស្សនាពិធីស្បថចូលកាន់តំណែងប្រធានាធិបតីថ្មី ក៏ដូចជាស្តាប់សារដែលប្រធានាធិបតីថ្មីរូបនេះនឹងថ្លែងសម្រាប់ប្រជាជាតិអាមេរិក។
Trump បាននិយាយថា៖ "ចាប់ពីថ្ងៃនេះទៅមុខ ចក្ខុវិស័យថ្មីនឹងដឹកនាំដែនដីរបស់យើង។ ថ្ងៃនេះមិនគ្រាន់តែជាការផ្ទេរអំណាចពីរដ្ឋបាលមួយទៅរដ្ឋបាលមួយឬពីគណបក្សមួយទៅមួយផ្សេងទៀតនោះទេ ប៉ុន្តែជាការផ្ទេរអំណាចពីទីក្រុងវ៉ាស៊ីនតោន ផ្តល់ត្រឡប់ទៅពលរដ្ឋអាមេរិកវិញ"។
Trump បាននិយាយបន្តថា "យើងនឹងធ្វើការរួមគ្នាឲ្យខ្លាំងជាថ្មីម្តងទៀត។ យើងនឹងធ្វើឱ្យអាមេរិកថ្កុំថ្កើង មានមោទនភាពជាថ្មី។ យើងនឹងធ្វើឱ្យអាមេរិកមានសុវត្ថិភាព ហើយយើងក៏នឹងរួមគ្នាធ្វើឱ្យអាមេរិកខ្លាំងជាថ្មីឡើងវិញដែរ"។