ប្រាសាក់ ដាក់ដំណើរការទូ ATM ទី១១៧ នៅបុរី ប៉េង ហួត បឹងស្នោ

2017-01-21 04:12:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រាសាក់ បានដាក់ដំណើរការទូ ATM ថ្មីនៅក្លឹបហាត់ប្រាណ VIP ក្នុងបុរី ប៉េង ហ៊ួត បឹងស្នោហើយ។ នេះជាទូ ATM ទី១១៧ របស់ប្រាសាក់ ដែលត្រូវគេដំឡើងនៅទីតាំងផ្ទះលេខ៨ ផ្លូវលេខ៦ ភូមិបឹងឈូក សង្កាត់និរោធ ខណ្ឌច្បារអំពៅ ភ្នំពេញ។

លោក សាយ សូនី នាយកប្រតិបត្តិគ្រប់គ្រងទីផ្សាររបស់ប្រាសាក់ និយាយថា៖ "ដោយកំណើនតម្រូវការប្រតិបត្តិការធនាគារ និងមូលដ្ឋានអតិថិជនកើនឡើង ប្រាសាក់ សម្រេចដំឡើងទូ ATM ថ្មីមួយទៀត ដែលអាចឲ្យអតិថិជនធ្វើប្រតិបត្តិការធនាគារបានគ្រប់ពេលវេលា គ្រប់ទីកន្លែង នៅគ្រប់ទូ ATM ដែលជិតអ្នកបំផុត"។

លោកបន្ថែមថា៖ "ជាមួយការដំឡើងទូ ATMទាំង ១១៧ ទូទាំងប្រទេស អតិថិជននឹងមានអារម្មណ៍ថា ប្រាសាក់មានសុវត្ថិភាព និងនៅក្បែរខ្លួនជានិច្ច។ ត្រឹមដើមឆ្នាំ២០១៧ ប្រាសាក់ ផ្តល់កាត ATM ចំនួន ៧៧ ០០០ ក្នុងប្រតិបត្តិការជាង ៣ លាន ដែលមានទឹកប្រាក់ជាង ២៣៣ លានដុល្លារ"។

សេវា ATM ប្រាសាក់ អនុញ្ញាតឲ្យអតិថិជនប្រើសេវាកម្មជាច្រើន ដូចជា ទូទាត់វិក្កយបត្រទឹកភ្លើង ទិញកាតទូរសព្ទ ផ្ទេរប្រាក់ Cash-by-Code ដកប្រាក់ និងសេវាផ្សេងៗទៀត។ អតិថិជន មិនចាំបាច់ចំណាយកម្រៃសេវា ATM ប្រចាំខែ ឬប្រចាំឆ្នាំឡើយ ហើយអាចប្រើសេវាធនាគារចល័តប្រាសាក់ដោយឥតគិតថ្លៃផងដែរ។

សម្រាប់ព័ត៌មានលម្អិត សូមចូលវិបសាយ www.prasac.com.kh/kh/services/atm/ ៕

ដោយ៖ សុផាត