"Goodbye” ការពិតជាបទកាដូតែងជាពិសេសការចាកចេញ Minzy
- 2017-01-21 04:26:30
- ចំនួនមតិ 0 | ចំនួនចែករំលែក 0
"Goodbye” ការពិតជាបទកាដូតែងជាពិសេសការចាកចេញ Minzy
ចន្លោះមិនឃើញ
ម្សិលមិញនេះ 2NE1 បានបញ្ចេញបទចម្រៀងចុងក្រោយរបស់ខ្លួនចំណងជើងថា "Goodbye” ដោយវាជាបទចម្រៀងលាគ្នាមួយសម្រាប់អ្នកគាំទ្រ បន្ទាប់ពីក្រុមចម្រៀងនេះបានប្រកាសរំសាយក្រុមកាលពីខែវិច្ឆិកាឆ្នាំទៅ។
តាមពិតទៅបទចម្រៀងចុងក្រោយនេះមិនមែនសរសេរឡើងសម្រាប់តែអ្នកគាំទ្រប៉ុណ្ណោះទេ ប៉ុន្តែវាជាបទចម្រៀងដែលសរសេរឡើងនៅពេលដែល Minzy ចាកចេញពីផលិតកម្ម YG ដោយពេលនោះវាប្រៀបដូចជាសំបុត្រលាគ្នាសម្រាប់ Minzy។ នេះជាការលើកឡើងរបស់មេក្រុម CL នៅពេលឆ្លើយតបតាមទូរសព្ទជាមួយនឹងកាសែតកូរ៉េខាងត្បូង Ilgan Sports។
ក្នុងកិច្ចសម្ភាសន៍តាមទូរសព្ទនេះ CL ក៏បានលើកឡើងដែរថាបន្ទាប់ពី Minzy ចាកចេញទៅ សមាជិកដែលសេសសល់ទាំងបីបានរួមគ្នាផលិតអាល់ប៊ុមចម្រៀងទីបីរបស់ខ្លួនរួចជាស្រេចហើយ ប៉ុន្តែមិនអាចចេញផ្សាយបានសម្រេចរហូតដល់មានការរំសាយក្រុម។ «អាល់ប៊ុមគឺរួចរាល់ហើយ ប៉ុន្តែបទដែលយកទៅថតគឺមានតែបទ “Goodbye” ប៉ុណ្ណោះ» នេះជាការលើកឡើងរបស់ CL៕