អានវិធីសាស្ត្រប៉ុន្មានចំណុចនេះ អាចជួយគ្រប់គ្រងកំហឹងដោយខ្លួនឯង
- 2017-01-23 01:38:09
- ចំនួនមតិ 0 | ចំនួនចែករំលែក 0
អានវិធីសាស្ត្រប៉ុន្មានចំណុចនេះ អាចជួយគ្រប់គ្រងកំហឹងដោយខ្លួនឯង
ចន្លោះមិនឃើញ
កំហឹងជាអារម្មណ៍ធម្មតារបស់មនុស្ស។ ទោះបីអ្នកមិនអាចទប់ស្កាត់វា តែអ្នកអាចគ្រប់គ្រងវាបាន។ វាមិនមែនសុទ្ធតែអាក្រក់នោះឡើយ។ ជួនកាលកំហឹងអាចជាប្រយោជន៍ នៅពេលមនុស្សអាចគ្រប់គ្រងវាបាន និងមិនមានការប៉ុនប៉ងបង្កឲ្យមានការឈឺចាប់ ឬរបួសស្នាម។ វាអាចជួយយើងឲ្យមានអារម្មណ៍ និងបំពេញកិច្ចការបានល្អប្រសើរទៅវិញ។
ដើម្បីជាវិធីសាស្ត្រ ណែនាំពីគ្រប់គ្រងកំហឹង អង្គការចិត្តសង្គម អន្តរវប្បធម៌ នៃកម្មវិធីសុខភាពផ្លូវចិត្តបានបង្ហាញពីវិធី ដូចខាងក្រោមនេះ៖
រៀនទទួលស្គាល់សញ្ញានៃកំហឹង៖
កំហឹងអាចបង្ហាញសញ្ញាដូចខាងក្រោម៖
-ក្ដាប់ដៃ និយាយ ឬស្រែកឮៗ
-សម្លក់បុគ្គលធ្វើឲ្យខឹង
-បែកញើស ក្ដៅក្រហាយ
-ទឹកមុខប្រែជាក្រហម និងស្លេក
-ចង្វាក់បេះដូង កាន់តែញាប់
-តឹងទ្រូង
នៅពេល កត់សម្គាល់ឃើញពីសញ្ញានៃកំហឹងចំពោះខ្លួនឯង អ្នកត្រូវការសម្រួលទាំងផ្លូវកាយ និងផ្លូវចិត្ត ដើម្បីគ្រប់គ្រងកំហឹងរបស់ខ្លួន៖
សម្រួលផ្នែកផ្លូវកាយ៖
ប្រើប្រាស់បច្ចេកទេស និងលំហាត់ដូចខាងក្រោមដើម្បីសម្រួលផ្នែកផ្លូវកាយ៖
-ងើបឈរ អង្គុយចុះឡើងចំនួន៨ដង
-បិទភ្នែក- ដកដង្ហើម ចេញ-ចូលយឺតៗចំនួន៣ដង
-ចំណាយពេល ៥ ឬ១០នាទី ដើម្បីដើរ ឬរត់
សម្រួលផ្លូវចិត្តរបស់អ្នកឲ្យស្ងប់៖
**អ្នកអាចធ្វើចិត្តឲ្យស្ងប់ ដោយប្រើបច្ចេកទេស និងលំហាត់ទាំងនេះ
-គិតពីទីកន្លែងដ៏ស្រស់ស្អាត ឬដ៏សុវត្ថិភាពដែលធ្លាប់ទៅ ឬចង់ទៅ
-គិតពីបុគ្គល ដែលអ្នកស្រលាញ់
-គិតពីរឿងកំប្លែង ឬធ្វើអ្វីឲ្យមានសំណើច
ផ្លាស់ប្ដូរវិធីដែលអ្នកគិត៖
នៅពេលអ្នកខឹង អ្នកមើលឃើញពីទង្វើ ពាក្យសម្ដី និងមតិយោបល់របស់អ្នកដទៃថា ជាការរិះគន់។ វាធ្វើឲ្យអ្នកអន់ បន្ទាបបន្ថោក បំបាក់មុខ ឬត្រួតត្រា។ អ្នកចង់សងសឹកទាំងកំរោល។
នៅពេលអ្នកគ្រប់គ្រងអារម្មណ៍ខឹងរបស់ខ្លួនឯងបាន អាកប្បកិរិយាកោងកាច នឹងចាកចេញឆ្ងាយ។
រៀនដោះស្រាយបញ្ហា៖
ព្យាយាមស្វែងរកដំណោះស្រាយ។ ជាការប្រសើរ ត្រូវត្រិះរិះពីដំណោះស្រាយ ជាជាងគិតថាគ្មានដំណោះស្រាយ ឬគិតពីដំណោះស្រាយដែលមិនអាចទៅរួច។
ប្រើប្រាស់សកម្មភាពផ្សេងៗ៖
-ជជែកកម្សាន្តពីរឿងសប្បាយៗ
-បង្កើតទំនាក់ទំនងល្អជាមួយ មនុស្សជុំវិញខ្លួន
-ដើរចេញពីអ្វីដែលធ្វើឲ្យអ្នកខឹង៕