អ៊ូយ...! ឆ្ងាញ់គ្រប់មុខនៅ Genevieve's!

2017-01-22 02:40:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អញ្ចឹងតើបានឃើញភ្ញៀវចូលពេញៗ! មានអ្នកខ្លះសុទ្ធតែកក់ទុក ហើយមកចាំមុនទៀត...។ ម្ហូបជាច្រើនមុខមានទាំងខ្មែរ និង អឺរ៉ុប សុទ្ធសឹងតែមានឈ្ងុយឆ្ងាញ់ពិសា រកឃើញកណ្ដាលក្រុងសៀមរាប នាផ្សារចាស់ជិតផាប់ស្រីត ឈ្មោះថា Genevieve’s Restaurant។

លោក Phil Rogers ជាម្ចាស់ភោជនីយដ្ឋាន Genevieve’s បានឲ្យដឹងថា នៅក្នុងហាងរបស់លោកមានភ្ញៀវអញ្ជើញមកទទួលទានអាហារពេញជារៀងរាល់ពេល ដោយមានកក់ទុកជាមុន ឬមកកាន់ភោជនីយដ្ឋានដោយផ្ទាល់។

លោកបន្តថា ភ្ញៀវប្រមាណជា៨០ភាគរយជាជនបរទេស ដែលភាគច្រើនជាជនជាតិជប៉ុន កូរ៉េ ចិន និង បស្ចិមប្រទេស រីឯ២០ភាគរយទៀតជាប្រជាជនខ្មែរដែលច្រើនជាអ្នកដំណើរឬភ្ញៀវទេសចរ។

អ្នកបម្រើអាហារបានបន្ថែមដែរថា មានអតិថិជនខ្លះទៀតមកទទួលទាននៅទីនេះជាច្រើនលើកជាច្រើនសារ ឬច្រើនថ្ងៃជាប់ៗមុននឹងគាត់បញ្ចប់ការទស្សនាខេត្តសៀមរាប។

គួរឲ្យកត់សម្គាល់ដែរថា ភ្ញៀវជាច្រើនបង្ហាញនូវការពេញចិត្តចំពោះរសជាតិអាហារនៅភោជនីយដ្ឋាន Genevieve’s យ៉ាងខ្លាំង និងបានសរសើរពីសេវាកម្មផងដែរទៅកាន់ម្ចាស់ហាង។

លោក Phil បានប្រាប់ថា ម្ហូបដែលមានការពេញនិយមជាងគេនៅក្នុងភោជនីយដ្ឋានរបស់លោកដូចជា ឆាមឹកម្រេចខ្ចី អាម៉ុក ឡុកឡាក់ ត្រីក្រហមចំហុយ ត្រីឆាជូរអែម សាច់គោអាំងបែបអឺរ៉ុប និងសាច់ចៀមអាំង។

ទាក់ទងនឹងការប្រើប្រាស់ឈ្មោះហាង គឺភោជនីយដ្ឋាននេះត្រូវបានដាក់ឈ្មោះថា Genevieve’s ដោយហេតុថាអតីតភរិយារបស់ម្ចាស់ហាងមានឈ្មោះ Genevieve Rogers។ លោកស្រីជាគ្រូបង្រៀនម្នាក់ ដ៏ល្អមានទំនាក់ទំនងល្អជាមួយ នឹងសិស្ស ដែលសិស្សទាំងនោះសុទ្ធតែជាកុមារក្រីក្រ ហើយលោកស្រីមានលេចធ្លោបំផុតនៅតំបន់ Brunswick នៃទីក្រុងម៊ែលប៊ិន ប្រទេសអូស្ត្រាលី។

លោកស្រីធ្លាប់បានមករស់នៅ និងបង្រៀនភាសាអង់គ្លេសដល់កុមារក្រីក្រជាមួយនឹងស្វាមីនៅខេត្តសៀមរាបនាពេលកន្លងទៅផងដែរ។ ជាអកុសលលោកស្រីបានទទួលមរណភាពដោយសារជម្ងឺមហារីក នៅឆ្នាំ២០០៩។

ភោជនីយដ្ឋាន Genevieve’s បើកបម្រើសេវាកម្មម្ហូបអាហារចាប់ពីថ្ងៃច័ន្ទ រហូតដល់ថ្ងៃសៅរ៍។

អាហារថ្ងៃត្រង់ពីម៉ោង ១២ រហូតដល់ម៉ោង ២រសៀល និង អាហារពេលល្ងាចចាប់ពីម៉ោង ៥.៣០នាទីរសៀល រហូតដល់ម៉ោង៩.៣០នាទីយប់។ ទំនាក់ទំនងដើម្បីកក់តុ និងសួរព័ត៌មានបន្ថែមតាមរយៈលេខទូរស័ព្ទ 016 984 892 ឬអ៊ីមែល philrrrr@gmail.com ៕