Sanchez ជួយ Arsenal ឡើងលេខ២ តែ Wenger មានអារម្មណ៍សោកស្ដាយ

2017-01-23 02:09:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើប្រយុទ្ធឆ្នើម Alexis Sanchez បានស៊ុតបាល់ពិន័យ១១ម៉ែត្រនៅម៉ោងបន្ថែម ជួយឲ្យ Arsenal ឈ្នះ Burnley ២-១ នៅកីឡដ្ឋាន Emirates យប់មិញ និងហក់ពីលេខ៤ ទៅឈរលេខ២ ក្នុងតារាង Premier League វិញ ប៉ុន្តែអ្នកចាត់ការ Arsene Wenger សោកស្ដាយចំពោះទង្វើរបស់លោក។

Alexis Sanchez (ឆ្វេង) រត់អបអរ

Shkodran Mustafi រកគ្រាប់ឲ្យ Arsenal នាំមុខ ១-០ មុននាទី៥៩ មុនពេល Granit Xhaka ទទួលបានកាតក្រហមនាទី៦៥។ Andre Gray ស៊ុតបាល់ពិន័យ១១ម៉ែត្រ ឲ្យ Burnley នាទី៩០+៣ ដោយសង្ឃឹមបាន១ពិន្ទុទៅហើយ ប៉ុន្តែបែរជាបានត្រឹមទៅផ្ទះវិញដោយដៃទទេ បន្ទាប់ពី Sanchez ស៊ុតបាល់ពិន័យ១១ម៉ែត្រ នាទី៩០+៨។

អ្នកចាត់ការកាំភ្លើងធំ Wenger បាននិយាយថា លោកស្ដាយគ្រប់យ៉ាង បន្ទាប់ពីរុញអាជ្ញាកណ្ដាលទី៤លោក Anthony Taylor ក្រោយតវ៉ាបាល់ពិន័យ១១ម៉ែត្រ ដែល Burnley តាមស្មើ ១-១។ នៅចុងម៉ោងយប់មិញ Wenger ត្រូវអាជ្ញាកណ្ដាលដេញចេញពីទីលានដោយសារតវ៉ា និងរុញមន្ត្រីអាជ្ញាកណ្ដាលទី៤ ហើយអ្នកចាត់ការសញ្ជាតិបារាំងរូបនេះ ប្រឈមនឹងការពិន័យរបស់ FA ផងដែរ។

អ្នកចាត់ការ Arsene Wenger (ស្តាំ)

រីឯលទ្ធផលនៅ Premier League ២គូទៀតយប់មិញគឺ Southampton បានបំបាក់ក្រុមជើងឯកចាស់ Leicester City ៣-០ ខណៈដែលក្រុមកំពូលតារាងបច្ចុប្បន្នតោខៀវ Chelsea បន្តឈ្នះលើ Hull City ២-០៕