អ្នកស្វាយរៀង ឈ្នះរថយន្ត Mazda ពីកម្មវិធី គាស់ភ្លាម ឈ្នះភ្លែត វគ្គផ្ដាច់ព្រ័ត្រ
- 2017-01-23 04:03:13
- ចំនួនមតិ 0 | ចំនួនចែករំលែក 0
អ្នកស្វាយរៀង ឈ្នះរថយន្ត Mazda ពីកម្មវិធី គាស់ភ្លាម ឈ្នះភ្លែត វគ្គផ្ដាច់ព្រ័ត្រ
ចន្លោះមិនឃើញ
ស្រាបៀរ លីអូ បានចែករង្វាន់ធំរថយន្ត Mazda ក្នុងកម្មវិធី គាស់ភ្លាម ឈ្នះភ្លែត វគ្គផ្ដាច់ព្រ័ត្រ ដល់អតិថិជនសំណាងបំផុតនៅខេត្តស្វាយរៀង។
លោក នេត វិច្ចិកា អ្នកឈ្នះរង្វាន់ធំរថយន្ត Mazda បានឲ្យដឹងថា លោកបានញ៉ាំស្រាបៀរ លីអូ នៅផ្ទះក្នុងកម្មវិធីជប់លៀងជាមួយមិត្តភ័ក្ដិ។ ពេលនោះ លោកបានឃើញរូបរង្វាន់ធំរថយន្ត Mazda pick-up ក្រោមក្រវិលកំប៉ុងដែលបានគាស់។
លោក នេត វិច្ចិកា បានទទួលសោរថយន្ត Mazda pick-up ស៊េរីថ្មី ពីលោក ព្រាប សុវណ្ណ ប្រធានគ្រប់គ្រងទីផ្សារក្រុមហ៊ុនស្រាបៀរ លីអូ កាលពីថ្ងៃទី២០ មករា នេះ ក្នុងកម្មវិធីប្រគំតន្ត្រីស្រាបៀរ លីអូ ២០១៧ នៅមជ្ឈមណ្ឌលម៉ុងឌីយ៉ាល់ ភ្នំពេញ។
លោក នេត វិច្ចិកា ថា៖ "ពេលខ្ញុំគាស់ស្រាបៀរ លីអូ ភ្លាម ខ្ញុំស្រែកហ៊ោស្ទើរ ភ្លាត់សំឡេងថា ឈ្នះឡានៗ។ ដំបូង ខ្ញុំគិតថាអាចឈ្នះត្រឹមតែ ម៉ូតូ ឬទូរទស្សន៍ ក៏អស់ចិត្តដែរ តែនេះគឺរង្វាន់ធំតែម្ដង។ ស្រាបៀរ លីអូ ពិតជាចែករង្វាន់ពិតប្រាកដមែន"។
អ្នកឈ្នះរង្វាន់ម៉ូតូជាច្រើនគ្រឿង ក៏មកបើករង្វាន់ផងដែរ។ កម្មវិធី គាស់ភ្លាម ឈ្នះភ្លែត គឺជាផ្នែកមួយនៃយុទ្ធនាការប្រចាំឆ្នាំ ដើម្បីតបស្នងដល់អតិថិជន។
លោក ព្រាប សុវណ្ណ ក៏បានឲ្យដឹងថា កម្មវិធីឆ្នាំនេះ ទទួលបានជោគជ័យខ្លាំងគួរឲ្យកត់សម្គាល់ ជាងកម្មវិធីកាលពីឆ្នាំមុនៗ។ "ខ្ញុំអរគុណដល់ការគាំទ្ររបស់អតិថិជន ដែលធ្វើឲ្យកម្មវិធី គាស់ភ្លាម ឈ្នះភ្លែត ២០១៦ បញ្ចប់ទៅដោយជោគជ័យ។ សម្រាប់កម្មវិធី គាស់ភ្លាម ឈ្នះភ្លែត រដូវកាលថ្មី ឆ្នាំ ២០១៧ ស្រាបៀរ លីអូ នឹងបន្តចែករង្វាន់រថយន្ត Mazda CX5 ស៊េរីថ្មី ជាច្រើនគ្រឿងបន្តទៀត។ ដូច្នេះ ភាពភ្ញាក់ផ្អើលអាចកើតមានឡើងគ្រប់ពេលសម្រាប់អតិថិជនស្រាបៀរ លីអូ"។
សម្រាប់កម្មវិធី គាស់ភ្លាម ឈ្នះភ្លែត រដូវកាលថ្មីឆ្នាំ២០១៧ អតិថិជនស្រាបៀរ លីអូ ទូទាំងប្រទេសនឹងមានឱកាសឈ្នះរង្វាន់ធំៗជាច្រើន។ អតិថិជនគ្រាន់តែគាស់ក្រវិលកំប៉ុងស្រាបៀរ លីអូ ដើម្បីមានឱកាសឈ្នះរង្វាន់រថយន្ត Mazda CX5 ម៉ូតូ Honda Dream និងរង្វាន់ជាច្រើនទៀត៕