Maybank ចំណាយ ៤៥០០ ដុល្លារ ឲ្យអតិថិជន ៩ រូប ទិញទំនិញដោយឥតគិតថ្លៃ
- 2017-01-23 05:02:26
- ចំនួនមតិ 0 | ចំនួនចែករំលែក 0
Maybank ចំណាយ ៤៥០០ ដុល្លារ ឲ្យអតិថិជន ៩ រូប ទិញទំនិញដោយឥតគិតថ្លៃ
ចន្លោះមិនឃើញ
ធនាគារ មេយប៊ែង (Maybank) កាលពីថ្ងៃសៅរ៍ សប្ដាហ៍មុន បានធ្វើកម្មវិធី “Maybank Supermarket Sweep” ជាលើកទី២ ដើម្បីផ្តល់រង្វាន់ជាការទិញទំនិញដោយឥតគិតថ្លៃ ដល់អតិថិជន MayBank ៩រូប ដែលមានសំណាងឈ្នះរង្វាន់នេះ ពីការចូលរួមសន្សំប្រាក់ក្នុង “MAYBANK SAVINGS CHALLENGE” ដែលជាកម្មវិធីលើកកម្ពស់ការដាក់ប្រាក់សន្សំជាមួយធនាគារ។
Maybank បានចំណាយ ៤៥០០ ដុល្លារ ក្នុងរយៈពេល ៥ នាទី ឲ្យអ្នកឈ្នះទាំង៩រូបទិញទំនិញពី Giant Supermarket ក្នុងផ្សារទំនើបស៊ីធីម៉ល។
កាលពីដើមខែសីហា ២០១៦ “Maybank Supermarket Sweep” ត្រូវបានរៀបចំម្តងរួចទៅហើយ ដោយមានអតិថិជន ៦ នាក់ ឈ្នះរង្វាន់នេះពីការចូលរួមសន្សំប្រាក់ក្នុងកម្មវិធី “MAYBANK SAVINGS CHALLENGE” ដែលមានអ្នកចុះឈ្មោះចូលរួមប្រមាណជាង ៦០០០ នាក់ គិតត្រឹមខែសីហា ២០១៦។
កម្មវិធីនេះ ក៏ជាកម្មវិធីដំបូងគេបង្អស់នៅកម្ពុជា រៀបចំឡើងដោយ Maybank ដែលតម្រូវឲ្យអតិថិជនចុះឈ្មោះចូលរួម នោះពួកគេនឹងទទួលបានអត្រាការប្រាក់កាន់តែខ្ពស់ ដរាបណាមានអតិថិជនចុះឈ្មោះកាន់តែច្រើន រួមជាមួយឱកាសទទួលបានរង្វាន់ការទិញទំនិញដោយឥតគិតថ្លៃ។
លោកស្រី CYNTHIA LIAW នាយិកាប្រតិបត្តិ Maybank ថ្លែងថា៖ "អំឡុងពេល ៥ ខែប៉ុណ្ណោះ គិតមកត្រឹមខែធ្នូ ២០១៦ អតិថិជនចុះឈ្មោះចូលរួមកម្មវិធីនេះ កើនឡើងដល់ ១៥ ០០០ នាក់ ដែលជាចំនួនលើសការរំពឹងទុក។ រៀងរាល់គម្រប់អតិថិជន ១០០០ នាក់ ដែលបានចុះឈ្មោះចូលរួម មានអតិថិជនម្នាក់នឹងមានឱកាសទទួលបានរង្វាន់ចូលរួមកម្មវិធី “Maybank Supermarket Sweep” ដែលជារង្វាន់នៃការទិញទំនិញដោយឥតគិតថ្លៃ។ គិតចាប់ពីក្រោយពេលកម្មវិធី “Maybank Supermarket Sweep” លើកទី១ រួចមក យើងសង្កេតឃើញមានអតិថិជនកើនឡើង ៩០០០ នាក់បន្ថែមទៀត បានចុះឈ្មោះចូលរួមក្នុងកម្មវិធីដាក់ប្រាក់សន្សំរបស់ Maybank ដូច្នេះមានន័យថា អតិថិជន ៩ នាក់ បន្ថែមទៀតត្រូវបានជ្រើសរើសចូលរួមកម្មវិធី “Maybank Supermarket Sweep” លើកទី២ នេះ"។
លោកស្រី CYNTHIA LIAW បន្ថែមថា៖ "កម្មវិធីនេះជាការផ្ដួចផ្ដើមមួយបន្ថែមទៀតរបស់ Maybank ដើម្បីផ្ដល់ជូនដល់អតិថិជន កាន់តែប្រសើរ ដោយពួកគេអាចទទួលបានការរីករាយត្រលប់ទៅវិញ នៅពេលពួកគេសម្រេចចិត្តធ្វើប្រតិបត្តិការជាមួយ Maybank ជាប្រចាំ"។
ការពីថ្ងៃទី១៤ មករា ២០១៧ Maybank បានផ្ដល់រង្វាន់ដ៏ធំមួយផងដែរដល់អតិថិជនម្នាក់មានសំណាងឈ្នះរង្វាន់ខុនដូ ១ បន្ទប់ គិតជាទឹកប្រាក់ប្រមាណជាង ៤ ២០០០ ដុល្លារ ពីកម្មវិធីដាក់ ប្រាក់សន្សំ “SAVE NOW & WIN BIG”។ ក្នុងកម្មវិធីផ្ដល់រង្វាន់ខុនដូ នោះ Maybank ក៏បានចាប់ផ្ដើមកម្មវិធីដាក់ប្រាក់សន្សំថ្មីមួយទៀត “Premier Wealth Lucky 888” ដែលអតិថិជនថ្មី ៨៨ នាក់ដំបូងគេបង្អស់ដែលបានបើកគណនី PREMIER WEALTH ជាមួយធនាគារ នឹងទទួលបានអាំងប៉ាវចាប់ពី ៣៨ ដុល្លារ ទៅ ៨៨៨ ដុល្លារ។
Maybank ក៏បានប្រកាសចាប់ផ្តើមកម្មវិធីសន្សំប្រាក់ គួរឲ្យចាប់អារម្មណ៍មួយផ្សេងទៀត “Maybank #iLike” ដែលនឹងផ្តល់ឱកាសដល់អតិថិជនឈ្នះរង្វាន់ពិសេសមួយគឺ ពួកគេអាចជ្រើសរើសយកការផ្តល់ជូនណាមួយដែលមានតម្លៃស្មើ ៥០០ ដុល្លារ ហើយសមស្របទៅនឹងចំណង់ចំណូលចិត្ត និង របៀបរស់នៅប្រចាំថ្ងៃរបស់ពួកគេ ពី Maybank។ ការផ្តល់ជូនទាំងនោះ រួមមាន ទទួលទានអាហារពេលល្ងាចនៅភោជនីយដ្ឋានទំនើប ឬសំលៀកបំពាក់ទំនើបម៉ាក់ល្បីៗ ឬគ្រឿងបច្ចេកវិទ្យា ឬដំណើរកម្សាន្តផ្សេងៗ។ ការផ្តល់ជូននេះមានរយៈពេល ៦ ខែ ចាប់ផ្តើមពីខែ មករា ដល់ មិថុនា ២០១៧ ដោយអតិថិជនគ្រាន់តែបើកប្រើប្រាស់គណនី Maybank ឬដាក់ប្រាក់សន្សំបន្ថែមក្នុងគណនី៕