ត្រូវម៉ាច់! ម៉ូដស្អាតម៉ាកល្បីច្នៃតម្រូវរាងស្ត្រីអាស៊ីមាននៅកម្ពុជាហើយ
- 2017-01-23 05:54:15
- ចំនួនមតិ 0 | ចំនួនចែករំលែក 0
ត្រូវម៉ាច់! ម៉ូដស្អាតម៉ាកល្បីច្នៃតម្រូវរាងស្ត្រីអាស៊ីមាននៅកម្ពុជាហើយ
ចន្លោះមិនឃើញ
បង្កើតឡើងតម្រូវរូបរាង និងស្បែកស្ត្រីអាស៊ី ដើម្បីបង្កើនជំនឿចិត្ត គឺជាលក្ខណៈពិសេសគ្មានពីររបស់ម៉ាកសម្លៀកបំពាក់ Love, Bonito របស់ប្រទេសសិង្ហបុរីចាប់កំណើតក្នុងឆ្នាំ២០១០ ហើយល្បីឈ្មោះយ៉ាងឆាប់រហ័ស និងពេលនេះមាននៅកម្ពុជាហើយ ។
ហាងសម្លៀកបំពាក់ Love, Bonito មានទីតាំងនៅជាន់ទី១ ក្នុងផ្សារទំនើប AEON បានប្រារព្ធពិធីសម្ពោធលក់ជាផ្លូវការយ៉ាងឧឡារិកកាលពីល្ងាចថ្ងៃសុក្រទី២០ មករា ២០១៧ ដោយមានការអញ្ចើញចូលរួមពីភ្ញៀវកិត្តិយស និង អ្នកសារព័ត៌មានយ៉ាងច្រើនកុះករ ។
«Bonito គឺជាពាក្យអេស្ប៉ាញមានន័យថា "ស្រស់ស្អាត= Beautiful” ហើយ Love មានន័យថារាល់ម៉ូដទាំងអស់ត្រូវបានច្នៃឡើងដោយក្ដីស្រលាញ់ » នេះបើតាមការឲ្យដឹងពី កញ្ញា Violaម្ចាស់ម៉ាកសម្លៀកបំពាក់ Love, Bonito មកពីសិង្ហបុរី ។
កញ្ញាក៏បានឲ្យដឹងទៀតថាកាលពីឆ្នាំ២០១០ ស្ត្រីសិង្ហបុរីមិនសូវមានម៉ូដសម្លៀកបំពាក់ច្រើនទេ អីចឹងក្នុងនាមជាអ្នកច្នៃម៉ូដមួយរូប កញ្ញាចង់ចែករំលែកសេចក្ដីស្រលាញ់ និងការច្នៃម៉ូដថ្មីៗដើម្បីឲ្យស្ត្រីមានជម្រើសកាន់តែច្រើន។ « ចាប់ផ្ដើមដំបូងយើងគ្រាន់តែលក់តាមអនឡាញប៉ុណ្ណោះ ហើយមានស្ត្រីៗជាច្រើនផ្ញើសារមកអរគុណយើង និងចង់ឲ្យយើងបន្តច្នៃម៉ូដស្អាតបន្ថែមទៀត ។ទទួលបានជោគជ័យដូចបច្ចុប្បន្ន គឺដោយសារការគាំទ្រ និងកម្លាំងចិត្តពីអតិថិជនយើងទាំងអស់ ។»
លោកស្រី មេត្តា ម្ចាស់ម៉ាក Love, Bonito នៅកម្ពុជា ក៏បានឲ្យដឹងដែរថា ដំបូងលោកស្រីបានទិញម៉ាកសម្លៀកបំពាក់Love Bonitoពាក់ហើយពេញចិត្តយ៉ាងខ្លាំងដែលធ្វើឲ្យលោកស្រី សម្រេចចិត្តទាក់ទងនាំយកម៉ាកនេះមកកម្ពុជា
« ខ្ញុំជឿជាក់ថាម៉ូដរបស់Love, Bonito អាចជួយពន្លេចមន្តស្នេហ៍របស់ស្ត្រីខ្មែរយើងបានយ៉ាងល្អ ឲ្យមើលទៅកាន់តែគួរឲ្យស្រលាញ់ ព្រោះខ្ញុំដឹងច្បាស់ថាកន្លងមកពិតជាមិនងាយស្រួលទេរកបានសម្លៀកបំពាក់ត្រូវទាំងរាងនិងចិត្តយើង ។ សម្រាប់ Love, Bonito បងប្អូនស្ត្រីបើបានលសាកពាក់ហើយដឹងតែពេញចិត្ត ចង់បានភ្លាមតែម្តង »
លោកស្រីបន្ថែមថា Love,Bonito មានម៉ូដស្អាតៗ ទំនើបទាន់សម័យ ស្លៀកពាក់បានគ្រប់ឱកាស ដូចជាពេលទៅធ្វើការ ពេលដើរលេង ចូលរួមកម្មវិធីធំ ឬ ពេលមានណាត់ញ៉ាំអាហារជាមួយសង្សារ ជាដើម រីឯតម្លៃក៏សមរម្យដែរ ។
Love Bonito គឺជាម៉ូដអនឡាញដែលទទួលបានភាពជោគជ័យធំជាងគេបំផុតនៅ ប្រទេសសិង្ហបុរី ដែលជាផលិតផលស្លៀកបំពាក់ដែលមានគុណភាពខ្ពស់ និងសាកសមបំផុតសម្រាប់ស្ត្រី អាស៊ី ។ ជាច្រើនឆ្នាំមកហើយដែល Love , Bonito ទទួលបានកេរ្តិ៍ឈ្មោះ ពីសំណាក់អតិជនជាច្រើននាក់ទៅលើគុណភាព ម៉ូដ និង តម្លៃ ។
ការផ្ដោតសំខាន់របស់ Love,Bonito គឺកសាងទំនាក់ទំនងផ្ទាល់ជាមួយអតិថិជនរបស់ខ្លួនដោយផ្អែកទៅលើគុណសម្បត្តិដែលខ្លួនមាន។
សម្រាប់ព័ត៌មានបន្ថែម សូមចូលទៅហ្វេសប៊ុក Love, Bonito Cambodia ឬ Instagram Love, Bonito Cambodia ទូរស័ព្ទលេខ 087 557 559