ស្ងើចមែន! វិស្វករផលិតយន្តហោះពីអាមេរិក ត្រៀមបញ្ចេញរឿងខ្មែរ ២រឿង

2017-01-23 07:59:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយសារចិត្តស្រលាញ់ និងចង់បណ្ដុះវិស័យខ្សែភាពយន្តខ្មែរឲ្យកាន់តែរីកចម្រើន នាង សាវុន ជាវិស្វករផលិតយន្តហោះមកពីអាមេរិក បានមកផលិតរឿង២ នៅស្រុកខ្មែរ ដែលមានចំណងជើងថា "កូនក្រកខ្មៅ" និង "កូនទិព្វសូដាច័ន្ទវង្វេងភព"។

នាង សាវុន គឺជាម្ចាស់ផលិតកម្មក្រៅស្រុកមួយដែលពីដំបូងឡើយផលិតបទស្នាដៃនិពន្ធថ្មី សម្រាប់ផ្តល់ឱកាសឲ្យតារាមួយចំនួនបានបញ្ចេញសមត្ថភាពខ្លួន តាមរយៈផលិតកម្មមួយនេះ។ ទើបតែមួយរយៈពេលចុងក្រោយ បន្ទាប់ពីទំនេរជាមួយនឹងការងារនៅអាមេរិក លោកក៏ឆ្លៀត បញ្ចេញស្នាដៃថ្មីបន្ថែមទៀតគឺផលិតខ្សែភាពយន្ត នៅកម្ពុជា ក្រោយនិពន្ធអស់រយៈពេលជាង៤ឆ្នាំ។

ម្ចាស់ផលិតកម្មក្រៅស្រុករូបនេះបន្តឲ្យដឹងទៀតថា ក្រោយរត់ភៀសខ្លួនទៅរស់នៅអាមេរិកតាំងពីអាយុ២១ឆ្នាំ លោកបានដើរស៊ីឈ្នួលធ្វើការឲ្យគេ និងរៀនបន្តខាងផ្នែកវិស្វករ។ ប៉ុន្តែដោយសារចិត្តស្រលាញ់ ខាងផ្នែកនិពន្ធតាំងពីតូចមកហើយនោះ លោកមិនដែលគិតថាបោះបង់ឡើយ ទើបថ្មីៗលោកសម្រេចថាមកធ្វើរឿង២ នៅស្រុកខ្មែរ ដែល២រឿងនេះ លោកថានិពន្ធតាំងពីឆ្នាំ២០១៣មកម៉្លេះ។

បើទោះជាថ្មីក្នុងការបើកភាពយន្តនេះក៏ដោយ ប៉ុន្តែលោកអះអាងថាមិនមានការបារម្ភឡើយ ត្បិតលោកមានដៃគូសហការដើម្បីជួយថតរឿងនេះ។ លោកបានលើកឡើងថា ចង់ធ្វើការធំដុំមិនមែនសុទ្ធតែអាចធ្វើម្នាក់ឯងទើបជោគជ័យនោះទេ ទាល់តែមានការសហការគ្នាពីមនុស្សជុំវិញ។

"ខ្ញុំធ្លាប់បរាជ័យច្រើនដង ទោះបីលើកនេះមិនសមប្រកបក៏ខ្ញុំនៅតែព្យាយាម ព្រោះ ខ្ញុំបានដាក់ចិត្ត ហើយស្រលាញ់វាខ្លាំងខាងផ្នែកនិពន្ធនេះ"។ ម្ចាស់ផលិតកម្មបន្ថែម។