ប្រាក់ មុន្នីឧត្ដម គ្រោងនាំប្រពន្ធទៅក្រេបទឹកឃ្មុំនៅថៃ
- 2017-01-23 23:00:00
- ចំនួនមតិ 0 | ចំនួនចែករំលែក 0
ប្រាក់ មុន្នីឧត្ដម គ្រោងនាំប្រពន្ធទៅក្រេបទឹកឃ្មុំនៅថៃ
ចន្លោះមិនឃើញ
ខ្សែប្រយុទ្ធឆ្នើមជម្រើសជាតិកម្ពុជា ប្រាក់ មុន្នីឧត្ដម គ្រោងនាំប្រពន្ធឈ្មោះ ប្រាក់ ស្រីរ័ត្ន ទៅក្រេបទឹកឃ្មុំនៅប្រទេសថៃក្រោយរៀបការកាលពីថ្ងៃទី២២ ខែមករា ឆ្នាំ២០១៧។
ខ្សែប្រយុទ្ធឆ្នើមរបស់ក្លឹបព្រះខ័នរាជស្វាយរៀងរូបនេះបានឲ្យដឹងថា គម្រោងនាំប្រពន្ធទៅលេងនៅថៃ មិនទាន់ប្រាកដ ១០០ % នោះទេ ចំពោះចំនួនប៉ុន្មានថ្ងៃក៏មិនទាន់ប្រាកដដូចគ្នា។ ប៉ុន្តែប្រពន្ធដែលទើបរៀបការ ក៏បានដឹងពីគម្រោងចង់ទៅដើរលេងនេះដែរ។
ចំពោះទម្រង់លេង ឧត្ដម ប្រាប់ថា នឹងមិនធ្វើឲ្យធ្លាក់ចុះនោះទេទោះរៀបការរួចហើយក្ដី។ គោលដៅរបស់គេគឺចង់បង្កើនការហ្វឹកហាត់ឲ្យបានខ្លាំងជាងមុនមិនឲ្យទម្រង់លេងធ្លាក់ចុះ និងមិនចង់ឲ្យបាត់បង់ប្រជាប្រិយភាពផងដែរ។
គម្រោងចង់ទៅលេងនៅថៃនេះ ប្រាក់ មុន្នីឧត្ដម គ្រោងចេញដំណើរក្រោយប្រកួតបាល់ទាត់សប្បុរសធម៌ប្រមូលប្រាក់ជូនមន្ទីរពេទ្យគន្ធបុប្ផានាថ្ងៃទី២៦ ខែមករា ឆ្នាំ២០១៧ ខាងមុខនេះរួចរាល់៕