ស្ដេចប្រដាល់ថៃ Buakaw ទិញឡានទំនើប Porsche តម្លៃជិត២០ម៉ឺនដុល្លារ
- 2017-01-23 09:57:16
- ចំនួនមតិ 0 | ចំនួនចែករំលែក 0
ស្ដេចប្រដាល់ថៃ Buakaw ទិញឡានទំនើប Porsche តម្លៃជិត២០ម៉ឺនដុល្លារ
ចន្លោះមិនឃើញ
Buakaw Banchamek ស្ដេចប្រដាល់ថៃ ទើបទិញរថយន្តទំនើបស៊េរីថ្មី Porsche Cayman 718 ពណ៌លឿងប្រភេទ Sport Car ក្នុងតម្លៃ៧លានបាត (១៩៨៣០០ដុល្លារ) កាលពីចុងសប្ដាហ៍កន្លងទៅ។
រថយន្តថ្មីរបស់អ្នកប្រដាល់ឆ្នើមមកពីខេត្តសូរិនរូបនេះ ទើបចេញនិងដាក់លក់កាលចុងឆ្នាំ២០១៦ថ្មីៗនេះទេ។ Porsche Cayman 718 មានម៉ាស៊ីនTurbo សីឡាំង៤ ទំហំ២,០លីត្រ, ទ្វារ២ អាចបើកពីល្បឿន០-១០០គីឡូម៉ែត្រ/ម៉ោង ត្រឹម៥,១វិនាទី និងមានល្បឿនអតិបរមាជាង ២៧៥គីឡូម៉ែត្រ/ម៉ោង។
Buakaw ជាកីឡាករប្រដាល់ម្នាក់ ដែលមានចំណូលច្រើន និងធ្លាប់ដូរស៊េរីរថយន្ត និងម៉ូតូទំនើបៗជាច្រើន។ អ្នកប្រដាល់វ័យ៣៤ឆ្នាំរូបនេះ ពីមុនធ្លាប់ជិះម៉ូតូ Ducati Multi Strada, Ducati Tasmanian, រថយន្ត BMW 5 Series និង BMW E60..ផងដែរ៕