មកវិញលើកនេះ ហង្ស សុជាតា ត្រៀមគម្រោងពិសេសជូនអ្នកគាំទ្រ

2017-01-25 23:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ហង្ស សុជាតា បានត្រឡប់មកវិញបន្ទាប់ពីផ្អាកចេញចម្រៀងថ្មី អស់មួយរយៈធំ ហើយពេលបានចេញបទចម្រៀងថ្មីជាមួយ នីកូ និងប្រាប់គម្រោងថ្មីបន្ថែមសម្រាប់ឆ្នាំ២០១៧ នេះ។

ហង្ស សុជាតា លើកឡើងថាការត្រឡប់មកលើកនេះ ជាកាដូពិសេសសម្រាប់អ្នកគាំទ្រដែលតែងតែទន្ទឹងរង់ចាំខ្លួន ហើយនេះជាលើកទី១សម្រាប់នាង និងនីកូ ដែលបានចេញចម្រៀងរួមគ្នា។ ក្នុងឆ្នាំនេះនាងក៏មានគម្រោងថ្មីៗសម្រាប់អ្នកគាំទ្របន្ថែមទៀតផងដែរ ក្នុងការចេញចម្រៀងថ្មី ជាពិសេសគឺ Original Song តែម្ដង ប៉ុន្តែដំបូងចង់ផ្ដោតទៅលើបទចម្រៀងដែលបានសហការជាមួយតារាចម្រៀងវ័យក្មេង នីកូ សិន។

“ធ្វើការជាមួយ នីកូ គឺសប្បាយនិងសង់តង់គ្នាល្អ ហើយគាត់ជាតារាប្រុសទី១ ដែលខ្ញុំច្រៀងជាមួយហើយបានចេញចម្រៀងជាផ្លូវការបែបនេះ ហើយខ្ញុំក៏ត្រៀមការងារថ្មីបន្ថែមដែរសម្រាប់ឆ្នាំនេះ" ម្ចាស់បទ "សាកល្បងស្នេហ៍បងម្ដងទៀត" បន្ថែម។

ចំណែក នីកូ វិញបានប្រាប់ Sabay ថាបទ "សាកល្បងស្រលាញ់គ្នាម្ដងទៀត" ដែលទើបចេញថ្មីៗនេះនោះគឺជាបទVersion ថ្មីរបស់បទ "សាកល្បងស្នេហ៍បងម្ដងទៀត" ដោយគ្រាន់តែកែសម្រួលភ្លេង និង ទំនុកច្រៀងបន្តិចបន្តួច ដើម្បីឲ្យសង់តង់ជាមួយនិង ចម្រៀងឆ្លងឆ្លើយ ព្រោះ Version ដំបូងរបស់បទនេះបកស្រាយដោយ កញ្ញា ហង្ស សុជាតា ម្នាក់ឯង។ នីកូ បន្ថែមទៀតថា សម្រាប់វីដេអូចម្រៀងបទនេះនឹងចេញក្នុងពេលឆាប់ៗខាងមុខនេះហើយ៕

តោះស្ដាប់បទ"សាកល្បងស្រលាញ់គ្នាម្ដងទៀត" Version ថ្មីទាំងអស់គ្នា៖