Celta ទម្លាក់ Real ឡើងទៅវគ្គពាក់កណ្ដាលផ្ដាច់ព្រ័ត្រ Copa del Rey
- 2017-01-26 00:44:34
- ចំនួនមតិ 0 | ចំនួនចែករំលែក 0
Celta ទម្លាក់ Real ឡើងទៅវគ្គពាក់កណ្ដាលផ្ដាច់ព្រ័ត្រ Copa del Rey
ចន្លោះមិនឃើញ
ក្រុមខ្លាំង Real Madrid បានហាលអាវត្រឹមវគ្គ៨ក្រុមចុងក្រោយពាន Copa del Rey បន្ទាប់ពីជើងទី១ចាញ់ Celta Vigo ១-២ ហើយជើងទី២យប់មិញស្មើគ្នា ២-២។
ការប្រកួតនៅកីឡដ្ឋាន Balaídos ម្ចាស់ផ្ទះមានឱកាសនាំមុខ១មុន ជាគ្រាប់បាល់ចូលទីខ្លួនឯងរបស់ខ្សែការពារ Danilo ក្រោយអ្នកចាំទី Kiko Casilla របស់ Real Madrid សង្គ្រោះបាល់ពីការស៊ុតរបស់ Celta ហើយខ្ទាតទៅប៉ះជើង Danilo។ នាទី៦២ Cristiano Ronaldo បានផ្ដល់ក្ដីសង្ឃឹមឲ្យក្រុមលោក Zidane វិញក្រោយទាត់បាល់ Free Kick ពីចម្ងាយបញ្ចូលទីយ៉ាងល្អ។
នៅនាទី៨៥ Daniel Wass ស៊ុតសម្រេចគ្រាប់ទី២ ក៏ជាគ្រាប់ទម្លាក់ Real ចេញពីកម្មវិធីផងដែរ ហើយនៅចុងម៉ោងនាទី ៩០ Lucas Vázquez ដែលទើបប្ដូរចូល បានតែតតាមស្មើ ២-២ តែលទ្ធផលទាំង២ជើងមិនអាចឲ្យ Real Madrid ឈានទៅវគ្គបន្តបានទេ។ ១គូទៀត Atl Madrid ក៏បានឈានទៅវគ្គពាក់កណ្ដាលផ្ដាច់ព្រ័ត្រដែរក្រោយស្មើគ្នា ២-២ ជាមួយ Eibar លទ្ធផលទាំង២ជើងគឺ ឈ្នះ ៥-២៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
