Barca ទៅវគ្គពាក់កណ្ដាលផ្ដាច់ព្រ័ត្រក្រោយឈ្នះ Sociedad ៥-២
- 2017-01-27 02:36:17
- ចំនួនមតិ 0 | ចំនួនចែករំលែក 0
Barca ទៅវគ្គពាក់កណ្ដាលផ្ដាច់ព្រ័ត្រក្រោយឈ្នះ Sociedad ៥-២
ចន្លោះមិនឃើញ
FC Barcelona បានឈានទៅវគ្គពាក់កណ្ដាលផ្ដាច់ព្រ័ត្រពាន Copa del Rey សារជាថ្មីបន្ទាប់ពីយកឈ្នះ Real Sociedad ៥-២ (សរុបទាំង២ជើង ៦-២)។
ក្រោមក្រសែភ្នែកទស្សនិកជនទាំងសងខាង ជិត៦ម៉ឺននាក់ Denis Suarez ស៊ុតបញ្ចូលទីត្រឹម១៧នាទីឲ្យម្ចាស់ផ្ទះនាំមុខ១ មុន។ ចូលដល់វគ្គទី២ ខ្សែការពារ Sociedad បានឈូសជើង Neymar ដួលនៅតំបន់គ្រោះថ្នាក់ ធ្វើឲ្យអាជ្ញាកណ្ដាលពិន័យបាល់ប៉េណាល់ទី ហើយ Messi ជាអ្នកស៊ុតបានសម្រេចនៅនាទី ៥៥។
នាទី៦២ Juanmi ដែលទើបប្ដូរចូល បានទាត់រំលងអ្នកចាំទី Cillessen ឲ្យ Real Sociedad តាមបាន១គ្រាប់វិញ។ យ៉ាងណាក៏ដោយ នាទី៦៣ Suarez ស៊ុតបានសម្រេចគ្រាប់ទី៣ឲ្យ Barcelona នាំមុខ ៣-១។
ការប្រកួតកាន់តែតានតឹងនៅពេល ក្រុមភ្ញៀវតាមបាន១គ្រាប់ទៀតដោយ Da Silva នៅនាទី៧៣ ប៉ុន្តែ Turan និង Denis Suarez បន្ថែមម្នាក់១គ្រាប់ នាទី ៨០ និង៨២ ធ្វើឲ្យ ក្រុមលោក Enrique ឈានទៅវគ្គបន្តដោយសុវត្ថិភាព។ នេះគឺជាការឡើងទៅវគ្គពាក់កណ្ដាលផ្ដាច់ព្រ័ត្រលើកទី ៧រដូវកាលជាប់ៗគ្នារបស់ Barcelona ហើយប្រកួតបន្ទាប់ពួកគេអាចប៉ះ Celta Vigo, Atletico Madrid ឬ Alaves៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
