ម៉ៅ គីមធីតា លួចអ្វីខ្លះពី សុខ សោម៉ាវត្តី

2017-01-29 09:54:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រីស្អាត ម៉ៅ គីមធីតា បានប្រាប់ Sabay ថាអ្នកនាង សុខ សោម៉ាវត្តី គឺជាសិល្បៈរៀមច្បងដែលនាងគោរព ស្រឡាញ់ និងលួចStyle សម្តែងមួយចំនួនពីអ្នកមេម៉ាយកូនមួយរូបនេះផងដែរ។

តួអង្គនាងគីននីក្នុងរឿង "មន្តស្នេហ៍លេខា" បានបន្តថា រាល់ការសម្តែងរបស់អ្នកនាង សុខ សោម៉ាវត្តី គឺបានដិតដាមក្នុងអារម្មណ៍របស់នាងទាំងការប្រើប្រាស់ទឹកមុខកាយវិការ ជាពិសេសគឺ Style ក្រមិចក្រមើមតែម្តង។ "ច៎ាសបងមាន Fan មួយចំនួនបានសួរខ្ញុំថា Style ក្រមិចក្រមើមមួយចំនួនរបស់ខ្ញុំនៅពេលសម្តែងមើលទៅស្រដៀងបងតី ខ្ញុំបានប្រាប់គាត់វិញថាដោយសារខ្ញុំស្រឡាញ់បងតី ទើបខ្ញុំរៀនលួចរៀនStyle ខ្លះៗពីគាត់"។ ម៉ៅ គីមធីតា បន្ថែម។

ស្រីស្អាតក្នុងរឿង "សួស្តីលោកគ្រូកំលោះ" បានបញ្ជាក់ថា មូលហេតុដែលនាងស្រឡាញ់ចូលចិត្តអ្នកនាង សុខ សោម៉ាវត្តី បន្ទាប់ពីបានថតរឿងជាច្រើនមួយគ្នារួចមកទើបដឹងថា សុខ សោម៉ាវត្តី ជាតារាសម្តែងស្រីមួយរូបដែលមិនមានឬកពាឆ្មើងឆ្មៃ តែងតែគោរពស្រឡាញ់ និងផ្តល់តម្លៃឲ្យអ្នកដែលរួមការងារជាមួយ ដោយមិនដែលតម្លើងខ្លួនថាជាតារាសម្តែងស្រីជួរមុខរបស់កម្ពុជាឡើយ៕

អត្ថបទ៖ ឆុង ស៊ីណាន