"កុំខ្វល់នយោបាយអន្តោប្រវេសន៍លោក ដូណាល់ ត្រាំ" មេ Amazon ប្រាប់បុគ្គលិកខ្លួន
- 2017-01-31 07:46:31
- ចំនួនមតិ 0 | ចំនួនចែករំលែក 0
"កុំខ្វល់នយោបាយអន្តោប្រវេសន៍លោក ដូណាល់ ត្រាំ" មេ Amazon ប្រាប់បុគ្គលិកខ្លួន
ចន្លោះមិនឃើញ
លោក Jeff Bezos នាយកប្រតិបត្តិ និងស្ថាបនិកផ្សារទំនិញតាមអ៊ីនធឺណិត Amazon បានប្រកាសមិនទទួលយកគោលនយោបាយរឹតត្បិតជនអន្តោប្រវេសន៍របស់លោកដូណាល់ ត្រាំ។
កំពូលមហាសេដ្ឋីបច្ចេកវិទ្យារូបនេះបានចេញសារអេឡិចត្រូនិកទៅកាន់បុគ្គលិករបស់ខ្លួនថា ក្រុមហ៊ុននឹងការពារពួកគេឲ្យអាចធ្វើការ និងមានសិទ្ធរស់នៅលើទឹកដីអាមេរិកបានធម្មតា ខណៈមួយចំនួននៃបុគ្គលិកទាំងនោះមានដើមកំណើតក្នុងប្រទេសដែលដូណាល់ ត្រាំ ផ្អាកផ្ដល់ទិដ្ឋាការ។
នេះមិនមែនជាលើកទីមួយទេដែល Jeff Bezos ប្រឆាំងប្រធានាធិបតីទី ៤៥ របស់អាមេរិក លោកដូណាល់ ត្រាំ។ កាលពីពេលធ្វើយុទ្ធនាការបោះឆ្នោតសារព័ត៌មាន The Washington Post ដែលគ្រប់គ្រងដោយមហាសេដ្ឋីរូបនេះ តែងចេញផ្សាយព័ត៌មានជាច្រើនទាក់ទងរឿងអាស្រូវលោក ដូណាល់ ត្រាំផងដែរ៕