ល្ងាចនេះ ពានមិត្តភាពអន្តរជាតិរបស់ទ័ពចាប់ផ្ដើមប្រកួតហើយ
- 2017-02-01 06:22:22
- ចំនួនមតិ 0 | ចំនួនចែករំលែក 0
ល្ងាចនេះ ពានមិត្តភាពអន្តរជាតិរបស់ទ័ពចាប់ផ្ដើមប្រកួតហើយ
ចន្លោះមិនឃើញ
ពានរង្វាន់ Asia Club Pre-Season Championship (ACC) ដែលមាន៤ក្រុមចូលរួមប្រកួត នឹងចាប់ផ្ដើមដំណើរការប្រកួតចាប់ពីល្ងាចនេះតទៅហើយ នៅពហុកីឡដ្ឋានជាតិអូឡាំពិក។
៤ក្រុមដែលចូលរួមប្រកួតពានរង្វាន់នេះរួមមាន ក្រសួងការពារជាតិ ព្រះខ័នរាជស្វាយរៀង Warriors FC (សិង្ហបុរី) និងក្រុម Petaling Jayarangers FC (ម៉ាឡេស៊ី) ។ ដោយការប្រកួតនឹងចាប់ផ្ដើមពីថ្ងៃទី១នេះរហូតដល់ថ្ងៃទី៥ខែកុម្ភៈឆ្នាំ២០១៧នេះ នៅពហុកីឡដ្ឋានជាតិ។ ក្នុងថ្ងៃបើកឆាកនេះដែរ ក្រុមប្រកួតដំបូងគេគឺព្រះខ័នរាជស្វាយរៀង ត្រូវប៉ះក្រុម Petaling Jayarangers FC (ម៉ាឡេស៊ី) វេលាម៉ោង៤រសៀល និងក្រុមក្រសួងការពារជាតិប៉ះក្រុមខ្លាំង Warriors FC (សិង្ហបុរី) នៅម៉ោង៧ល្ងាច។
ចំពោះការប្រកួតនេះដែរ ប្រិយមិត្តអាចរកទិញសំបុត្របាននៅស្ដាតចាស់និងកន្លែងលក់សំបុត្រនៅមុខពហុកីឡដ្ឋានជាតិអូឡាំពិក ដោយ១សំបុត្រអាចមើលបាន២ប្រកួតនេះតែម្ដង ក្នុងតម្លៃ១២ ០០០រៀលមានដំបូល និង៦ពាន់រៀលអត់ដំបូល៕