ធ្លាយព័ត៌មាន ករុណា ពេជ្រ ឡើងជាអ្នកគ្រប់គ្រងផលិតកម្មថោនជំនួស អ៊ា វឌ្ឍនា ដែលបាត់បង់ជីវិត

2017-02-01 07:53:55
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងលោក ករុណា ពេជ្រ ត្រូវបានប្រភពច្បាស់ការមួយបានទម្លាយឲ្យដឹងថា ត្រូវបានផលិតកម្មថោន ប្រគល់តំណែងជាអ្នកគ្រប់គ្រងទូទៅ ជំនួសលោក អៀ វឌ្ឍនា ដែលស្លាប់ទៅកាលពីពេលថ្មីៗនេះ។

ប្រភពខាងលើសូមមិនបញ្ចេញឈ្មោះបានឲ្យដឹងទៀតថា លោក ករុណា ពេជ្រ ទើបតែចូលមកកាន់តំណែងនៅថ្ងៃនេះ ដែលដំបូងតារាចម្រៀងរូបនេះហាក់ដូចជាមិនព្រមទទួលប៉ុន្តែ ដោយមានការលើកទឹកចិត្តពីអ្នកជុំវិញខ្លួន ទើបសាមីខ្លួនក៏សម្រេចសាកល្បងតែម្ដង។

ប្រភពដដែលបន្តថា បច្ចុប្បន្នលោក ករុណា ពេជ្រ កំពុងតែមមាញឹកខ្លាំងជាមួយនឹងតំណែងថ្មីនេះ ដោយមួយថ្ងៃៗឃើញតែប្រជុំ រៀបចំផែនការ ដើម្បីផលិតនៅស្នាដៃដំបូងរបស់ខ្លួនឲ្យចេញជាផ្លែផ្កា។

ទន្ទឹមនឹងព័ត៌មានខាងលើ ងាកមកមើល Facebook លោក ករុណា ពេជ្រ វិញនៅព្រឹកនេះបានបញ្ចេញឲ្យដឹងដែរថា ខ្លួនបានឡើងកាន់ការងារធំថ្មីមួយ ដែលតំណែងនេះខុសជំនាញដែលខ្លួនរៀនចប់ ដោយគ្រាន់តែធ្លាប់មានបទពិសោធខ្លះៗ ។ សារនោះដែរ លោកបានបួងសួងដល់ម្ចាស់ទឹកដី ឲ្យការងារនោះជោគជ័យ ហើយបុគ្គលិកទាំងអស់ ចេះសហការគ្នា។

យ៉ាងណាក៏ដោយ ម្ចាស់បទ "ឱបគេទៅ" រូបនេះ មិនបានបញ្ចេញឲ្យចំថា ជាការងារធំដុំអ្វីទេ។ បន្ថែមពីលើនេះ លោកក៏មិននិយាយទៀត ក្នុងបទសម្ភាសន៍ជាមួយ Sabay។